Prezidenttiń barlyq tapsyrmalary ýaqytyly ári dál oryndalýy tiis. Bul týraly Úkimet otyrysynda QR Premer-Ministrdiń birinshi orynbasary Álihan Smaiylov aitty, dep habarlaidy QazAqparat.
«Osy jyldyń 26 qańtarynda ótken Úkimettiń keńeitilgen otyrysynda QR Prezidenti birqatar naqty mindet qoidy. Ekonomikalyq belsendilikti tez arada qalpyna keltirý, investitsiialardy serpindi tartý, shaǵyn jáne orta biznesti qoldaý, jańa jumys oryndaryn ashý - bizdiń jumysymyzdyń basty basymdyǵy bolýy tiis. Qazaqstandyqtardyń naqty tabystary men ómir súrý sapasyn arttyrý boiynsha strategiialyq maqsattarǵa qol jetkizýge baǵyttalǵan reformalardyń jalǵasy bolyp tabylatyn kóptegen máseleler qozǵaldy», - dedi ol.
Úkimet basshysynyń birinshi orynbasary Memleket basshysynyń tapsyrmalaryn iske asyrý boiynsha arnaýly sharalar kesheni ázirlengendigin aitty.
«Jaýaptylar men oryndaý merzimderi anyqtaldy. Memleket basshysynyń tapsyrmalaryn qosymsha qarjylyq qamtamasyz etý biýdjetti naqtylaý kezinde jáne úshjyldyq biýdjet jobasyn daiyndaý barysynda eskeriledi. Bul rette Qarjy ministrligi biýdjettik baǵdarlamalar ákimshilerimen birlesip, qajetti qujattardyń ýaqytyly qabyldanýyn jáne barlyq rásimderdi júrgizýdi qamtamasyz etýi kerek. Bizdi aldymyzda mańyzdy maqsattar men naqty mindetter tur. Olardy iske asyrý memlekettik organdar men ákimdikterdiń úilesimdi jáne tiimdi jumysyna bailanysty. Prezidenttiń barlyq tapsyrmalary ýaqytyly áli dál oryndalýy tiis», - dedi Álihan Smaiylov.
