Elbasy Nursultan Nazarbaev "Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý týraly" ókimge qol qoidy, dep habarlaidy "Ult aqparat" Aqordaǵa silteme jasap.
1. Eldiń áleýmettik-ekonomikalyq jáne qoǵamdyq-saiasi damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý jónindegi qoǵamdyq komissiianyń usynymyn qarai kelip:
Qazaqstan Respýblikasy Prezidentiniń buqaralyq aqparat quraldary salasyndaǵy syilyqtary berilsin:
Dorofeev Mihail Viktorovichke – «informburo.kz» internet-portalynyń bas redaktoryna otandyq buqaralyq aqparat quraldaryn jáne aqparattyq-saraptamalyq elektrondy resýrstardy damytýǵa qosqan úlesi úshin;
Tanysbai Lázzat Muratqyzyna – «Astana» respýblikalyq telearnasynyń bas direktoryna qazaqstandyq jýrnalistikany jáne ulttyq televidenieni damytýǵa qosqan eleýli úlesi úshin;
Qazaqstan Respýblikasy Prezidentiniń buqaralyq aqparat quraldary salasyndaǵy granttary tapsyrylsyn:
Ádilova Aigúl Nurhanqyzyna – «Habar» respýblikalyq telearnasynyń saraptamalyq baǵdarlamalar bóliminiń tilshisine Memleket basshysynyń qyzmetin jan-jaqty ári sapaly jariialap-kórsetkeni úshin;
Jienáli Meiirjan Álibekulyna – «Qazaqstan» ulttyq telearnasy aqparattyq-saraptamalyq baǵdarlamalar direktsiiasy direktorynyń orynbasaryna otandyq televideniedegi aqparattyq-saraptamalyq baǵdarlamalardy ilgeriletý isinde qol jetkizgen kásibi jetistikteri úshin;
Qazaqstan Respýblikasy Prezidentiniń buqaralyq aqparat quraldary salasyndaǵy Alǵysy jariialansyn:
«Almaty» telearnasynyń shyǵarmashylyq ujymyna otandyq televiziialyq jýrnalistikany damytýǵa qosqan úlesi úshin;
«Astana aqshamy» respýblikalyq qoǵamdyq-saiasi gazetiniń shyǵarmashylyq ujymynaAstananyń áleýmettik-ekonomikalyq jáne mádeni-gýmanitarlyq damýyndaǵy mańyzdy taqyryptar men negizgi máselelerdi jariialap-kórsetýge qosqan erekshe úlesi úshin;
«Baldyrǵan» respýblikalyq balalar jýrnalynyń shyǵarmashylyq ujymyna elimizdiń óskeleń urpaǵyn tárbieleý isine jáne qazaqstandyq patriotizmdi nyǵaitýǵa qosqan zor úlesi úshin;
«Ózbekstannyń ulttyq teleradiokompaniiasy» shyǵarmashylyq ujymyna Qazaqstandaǵy Ózbekstan jylyn jáne túrli salalardaǵy Qazaqstan-Ózbekstan yntymaqtastyǵyn damytý máselelerin jariialap-kórsetkeni úshin.
2. Osy ókim buqaralyq aqparat quraldarynda jariialansyn.
Qazaqstan Respýblikasynyń
Prezidenti N.Nazarbaev
Astana, Aqorda, 2018 jylǵy 25 maýsym
№ 246
.jpeg)