Aldaǵy prezident sailaýyna «Qazaq analary – dástúrge jol» birlestigi atynan úmitker retinde usynylǵan Saltanat Tursynbekova sailaýshylardan qol jinaýǵa kiristi. Kelesi aptanyń jumasyna deiin ol zańnamada kórsetilgen kólemde qol jinap, resmi kandidat retinde tirkelýi kerek, dep habarlaidy «Habar 24».
Qazir úmitkerdiń Túrkistan oblysyndaǵy senimdi ókilderi aimaqty aralap, halyqpen kezdesip júr. Kandidat týraly aqparattarymen bólisip, sailaýshylardan qajetti qol jinap jatyr. Olar Saryaǵash aýdany men Túrkistan qalasynda bolyp, belsendi jumys júrgizdi.
Ortalyq sailaý komissiiasynyń aqparaty boiynsha prezidenttikke úmitker kandidat retinde tirkelý úshin kem degende 118 myń 273 adamnyń qolyn jinaý kerek. Bul - daýys berýge quqyǵy bar sailaýshylardyń 1 paiyzy. Al 21 qazan kúni keshki saǵat 18.00-den bastap úgit-nasihat jumystary bastalady.
"Qazirgi kezde biz ózimizdiń usynyp otyrǵan úmitkerimiz Saltanat Farhatqyzyna 2 kúnnen beri qol jinaýdamyz. Bizdiń qoldaýshylarymyz aýdan-aýdanda qol jinap, atsalysyp jatyr. Aýyldardy aralap, halyqqa túsindirip júrmiz. Bul - sailaýaldy daýys emes, ózimizdiń úmitkerimizdi prezident sailaýyna kandidat retinde tirketý úshin qol jinap jatyrmyz" - dedi kandidattyń senimdi ókili Láilá Darhanbaeva.
