Prezidenttikke kandidat, tirkelmegen Yntymaq partiiasynyń jetekshisi Meiram Qajyken memlekettik tilden emtihan tapsyrdy, - dep habarlaidy "Ult aqparat" OSK baspasóz qyzmetine silteme jasap.
8 qazanda Qazaqstan Respýblikasy Ortalyq sailaý komissiiasynda Meiram Zekeshuly Qajykenniń memlekettik tildi erkin meńgergendigin anyqtaý boiynsha Lingvistikalyq komissiianyń otyrysy ótti.
"Lingvistikalyq emtihan barlyq úsh kezeń boiynsha ótti: taqyrypqa qatysty jazbasha tapsyrma oryndaý, ádebi shyǵarmadan úzindi oqý jáne kandidat tańdaǵan taqyryp boiynsha kópshilik aldynda keminde on bes minýt sóz sóileý.
Emtihan aiaqtalǵan soń, komissiia talqylaý ótkizip, qorytyndylady. Otyrystyń qorytyndysyn Lingvistikalyq komissiianyń tóraǵasy, filologiia ǵylymdarynyń doktory, professor Ádil Qurmanjanuly Ahmetov baiandady.
Kandidattyń jazba jumysy «Qazirgi zamanǵy jahandyq máseleler» taqyrybynda boldy. Jazba jumysy mazmuny, stili, emlesi, tynys belgileri boiynsha baǵalandy. Kandidat berilgen ýaqytty tolyq paidalandy. Ekinshi tapsyrma boiynsha Muhtar Áýezovtiń «Abai joly» epopeiasynan úzindi oqydy. Úshinshi tapsyrma boiynsha «Yrys aldy – yntymaq» taqyrybyna óz oiyn 15 minýt kóleminde baiandady" - delingen habarlamada.
Emtihan qorytyndysy boiynsha Lingvistikalyq komissiia Qazaqstan Respýblikasynyń Prezidenttigine kandidat Meiram Zekeshuly Qajykenniń memlekettik tildi erkin meńgergendigi týraly ashyq daýyspen biraýyzdan sheshim qabyldady.
