Ortalyq sailaý komissiiasyna tirkeý úshin Prezidentikke kandidat Qasym-Jomart Toqaevtyń qujattary tapsyryldy. Bul týraly OSK baspasóz qyzmeti málim etti, dep habarlaidy "Ult aqparat".
Aqparattyq habarlamada bylai dep jazylǵan:
«2022 jylǵy 7 qazanda «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq Zańynyń 54 jáne 55-baptaryna sáikes, sondai-aq «2022 jylǵy 20 qarashaǵa taǵaiyndalǵan Qazaqstan Respýblikasy Prezidentiniń kezekten tys sailaýy boiynsha sailaý qujattarynyń nysandaryn belgileý týraly» Qazaqstan Respýblikasy Ortalyq sailaý komissiiasynyń 2022 jylǵy 23 qyrkúiektegi № 67/545 qaýlysyna sáikes Qazaqstan Respýblikasynyń Ortalyq sailaý komissiiasyna Qasym-Jomart Kemeluly Toqaevtyń Qazaqstan Respýblikasynyń Prezidenttigine kandidat etip usyný týraly kelesi qujattary usynyldy:
1. «AMANAT» partiiasy, Qazaqstan Halyq partiiasy, «Aq jol» Qazaqstannyń Demokratiialyq partiiasy», «Ardagerler uiymy», «QAZAQSTAN TEAM», «Qazaqstan máslihattary depýtattarynyń birlestigi», «Generaldar keńesi», «Qazaqstandyq sportshylar odaǵy» respýblikalyq qoǵamdyq birlestikteriniń joǵary organdary otyrystarynyń Qazaqstan Respýblikasynyń Prezidenttigine usyný týraly hattamalarynan úzindi kóshirmeleri;
2. Q.K. Toqaevtyń Qazaqstan Respýblikasynyń Prezidenttigine kandidat bolýǵa kelisimi týraly, ómirbaiandyq derekteri qosa berilgen ótinishi;
3. Qazaqstan Respýblikasy Ortalyq sailaý komissiiasynyń shotyna sailaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly diplomdardyń kóshirmeleri».
