QR prezidenttigine úmitker Astana qoǵamdyq keńesiniń múshesi, máslihat depýtaty Qaraqat Ábden Ortalyq sailaý komissiiasynyń qaraýyna kandidat retinde qujattaryn tapsyrdy, dep habarlaidy "Ult aqparat" OSK baspasóz qyzmetine silteme jasap.
"2022 jylǵy 8 qazanda Qazaqstan Respýblikasynyń Ortalyq sailaý komissiiasyna «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq Zańynyń 54 jáne 55-baptaryna, sondai-aq «Qazaqstan Respýblikasy Prezidentiniń 2022 jylǵy 20 qarashaǵa taǵaiyndalǵan kezekten tys sailaýy boiynsha sailaý qujattarynyń nysandaryn belgileý týraly» Qazaqstan Respýblikasy Ortalyq sailaý komissiiasynyń 2022 jylǵy 23 qyrkúiektegi № 67/545 qaýlysyna sáikes Qaraqat Jaqsylyqqyzy Ábdenniń «Kásibi áleýmettik qyzmetkerlerdiń ulttyq aliansy» respýblikalyq qoǵamdyq birlestiginen Qazaqstan Respýblikasynyń Prezidenttigine kandidat bolyp usynylǵany týraly kelesi qujattary tapsyryldy:
1. «Kásibi áleýmettik qyzmetkerlerdiń ulttyq aliansy» respýblikalyq qoǵamdyq birlestiginiń joǵary organy otyrysynyń Qazaqstan Respýblikasynyń Prezidenttigine usyný týraly hattamasynan úzindi;
2. Q.J. Ábdenniń Qazaqstan Respýblikasynyń Prezidenttigine kandidat bolýǵa kelisimi týraly ómirbaiandyq derekteri qosa berilgen ótinishi;
3. Qazaqstan Respýblikasy Ortalyq sailaý komissiiasynyń shotyna sailaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly diplomynyń kóshirmesi" - delingen OSK habarlamasynda.
