Ortalyq sailaý komissiiasy prezidenttikke kandidat tóleitin sailaý jarnasynyń mólsherin atady, dep habarlaidy Sputnik Qazaqstan.
"Búginde sailaý jarnasynyń mólsheri 3 million teńgeni quraidy. Bul 50 eń tómengi jalaqy. Eger kandidat laýazymǵa sailansa nemese daýys berýge qatysatyndardyń keminde 5 protsent daýsyn jinasa, sailaý jarnasy qaitarylady", - dedi Ortalyq sailaý komissiiasy tóraǵasynyń orynbasary Konstantin Petrov.
Prezidenttikke kandidattardy tirkeý úshin myna qujattar qajet:
- qoǵamdyq birlestiktiń joǵary organynyń prezidenttikke kandidat usyný jónindegi májilisiniń osy qoǵamdyq birlestikti ádilet ministirliginde tirkeý týraly qujattyń kóshirmesi qosa tirkelgen hattamanyń úzindisi;
- prezidenttikke kandidat bolyp daýysqa túsýge kelisim berý jónindegi ótinish;
- azamattardyń kandidatty qoldap jinalǵan qoldaryn tekserýdiń nátijesi týraly aýmaqtyq sailaý komissiialarynyń hattamalary;
- kandidattyń ómirbaiandyq derekteri;
- kandidat pen onyń zaiybynyń (jubaiynyń) aktivteri men mindettemeler týraly deklaratsiialardy tapsyrǵany jóninde memlekettik kiris organynyń anyqtamasy;
- kandidattyń sailaý jarnasyn engizgenin kýálandyratyn qujat;
- densaýlyǵynyń jai-kúii týraly meditsinalyq qorytyndy.
Sailaý aldyndaǵy úgit júrgizý 21 qazanda bastalyp, 18 qarashaǵa deiin sozyldy.
19 qarasha – tynyshtyq kúni. Daýys berý kúni – 20 qarasha.
