QR Ortalyq sailaý komissiiasy prezidenttikke kandidattardyń memlekettik tildi erkin meńgergenin anyqtaityn komissiia quramyn bekitý týraly qaýly qabyldady, dep habarlaidy QazAqparat.
«Ortalyq sailaý komissiiasynyń suranysy boiynsha Ǵylym jáne joǵary bilim, Aqparat jáne qoǵamdyq damý ministrlikteri, sonymen qatar L.Gýmilev atyndaǵy Eýraziia ulttyq ýniversiteti lingvistikalyq komissiianyń quramyna kandidattardy usyndy», - dedi QR Ortalyq sailaý komissiiasynyń hatshysy Muhtar Erman OSK otyrysynda qaýly jobasyn tanystyra kele.
Sonymen, onyń dereginshe, komissiia quramyna myna ǵalymdar usynyldy: filologiia ǵylymdarynyń doktory, professor, QR Eńbek sińirgen qairatkeri Ádil Ahmetov, filosofiia ǵylymdarynyń doktory, professor, QR Ulttyq ǵylym akademiiasynyń akademigi, jazýshy, abaitanýshy Ǵarifolla Esim, filologiia ǵylymdarynyń doktory, professor, QR Ulttyq ǵylym akademiiasynyń akademigi, Jazýshylar odaǵynyń múshesi Janqara Dádebaev, Nazarbaev ýniversiteti qazaq tili, ádebieti jáne mádenieti kafedrasynyń meńgerýshisi, pedagogika ǵylymdarynyń doktory professor Gúltas Qurmanbaeva, «Egemen Qazaqstan» respýblikalyq gazeti» jaýapkershiligi shekteýli seriktestiginiń bas direktory, QR Ulttyq ǵylym akademiiasynyń akademigi Dihan Qamzabekuly, Ahmet Baitursynuly atyndaǵy til bilimi intstitýynyń direktory, filologiia ǵylymdarynyń kandidaty Anar Fazyljanova.
«Barlyq kandidattar qazaq til bilimi men ádebieti salasynda tanylǵan ári tanymal ǵalymdar. Lingvistikalyq komissiia otyrystarynyń ańdatpalary OSK-nyń saitynda jariia etiledi. Komissiia otyrystary ashyq túrde ótedi», - dedi ol.
