«Aýyl» partiiasy atynan QR Prezidenttigine kandidat Jigýli Dairabaev JSDP úmitkeri Nurlan Áýesbaevtyń etikaǵa sai emes sózine jaýap berdi. Dairabaev málimdeme jasaǵan videony partiia tóraǵasynyń birinshi orynbasary Tóleýtai Rahymbekov bólisti, - dep habarlaidy "Ult aqparat".
"Nurlan batyr, saǵan aitarym, alystan aibat kórsetkenshe, betpe-bet kezdeseiik. Qandai oiyń bar eken, OSDP degen partiia bar ma eken ózi. Men anaý tórt aimaqty aralaǵanda, aýyldastar OSDP degen partiiany, Áýesbaev Nurlandy tanymaidy, ózińdi bilmeidi de. Alystan aibat shekkenshe, menimen kezdesshi. Men - mynaý elge-jerge janym ashyǵan azamatpyn.
Qazaqta mynadai bir jaqsy sóz bar: "Is qýǵan qazbaǵa jolyǵady, sóz qýǵan bálege jolyǵady". Bir-birimizdiń artymyzdan bále izdegenshe, eldiń qamyn oilaý kerek. Memlekette aǵaiyndardyń bárin birlikke shaqyrý kerek. Qazaqstandyqtardyń yntymaǵyn oilaýymyz kerek. Dalbasa áńgimeniń bárin qoiý kerek" - deidi Dairabaev.
