«اۋىل» پارتيياسى اتىنان قر پرەزيدەنتتٸگٸنە كانديدات جيگۋلي دايراباەۆ جسدپ ٷمٸتكەرٸ نۇرلان ەۋەسباەۆتىڭ ەتيكاعا ساي ەمەس سٶزٸنە جاۋاپ بەردٸ. دايراباەۆ مەلٸمدەمە جاساعان ۆيدەونى پارتييا تٶراعاسىنىڭ بٸرٸنشٸ ورىنباسارى تٶلەۋتاي راحىمبەكوۆ بٶلٸستٸ, - دەپ حابارلايدى "ۇلت اقپارات".
"نۇرلان باتىر, ساعان ايتارىم, الىستان ايبات كٶرسەتكەنشە, بەتپە-بەت كەزدەسەيٸك. قانداي ويىڭ بار ەكەن, وسدپ دەگەن پارتييا بار ما ەكەن ٶزٸ. مەن اناۋ تٶرت ايماقتى ارالاعاندا, اۋىلداستار وسدپ دەگەن پارتييانى, ەۋەسباەۆ نۇرلاندى تانىمايدى, ٶزٸڭدٸ بٸلمەيدٸ دە. الىستان ايبات شەككەنشە, مەنٸمەن كەزدەسشٸ. مەن - مىناۋ ەلگە-جەرگە جانىم اشىعان ازاماتپىن.
قازاقتا مىناداي بٸر جاقسى سٶز بار: "ٸس قۋعان قازباعا جولىعادى, سٶز قۋعان بەلەگە جولىعادى". بٸر-بٸرٸمٸزدٸڭ ارتىمىزدان بەلە ٸزدەگەنشە, ەلدٸڭ قامىن ويلاۋ كەرەك. مەملەكەتتە اعايىنداردىڭ بەرٸن بٸرلٸككە شاقىرۋ كەرەك. قازاقستاندىقتاردىڭ ىنتىماعىن ويلاۋىمىز كەرەك. دالباسا ەڭگٸمەنٸڭ بەرٸن قويۋ كەرەك" - دەيدٸ دايراباەۆ.
