Prezidenttik jastar kadrlyq rezervteriniń forýmynda el ekonomikasyn ilgeriletetin úzdik ideialar ortaǵa salyndy, dep habarlaidy QazAqparat.
«Búginde Prezidenttik jastar kadrlyq rezervi qaýymdastyqqa ainalyp úlgerdi. Endigi maqsat – osy qaýymdastyqta aitylǵan, usynylǵan ideialardy júzege asyrý. Búginde forýmda jastar óz jobalaryn usynyp qana qoimai, ony júzege asyrýdyń joldaryn ashyp kórsetýde. Forýmda usynylatyn jobalar memlekettiń, atap aitqanda halyqtyń jaǵdaiyn jaqsartýǵa baǵyttalǵan. Sonymen qatar, óz oiyn aityp, ideiasyn júzege asyrǵysy keletin basqa jas mamandar úshin úlgi bolyp tabylmaq», - dedi Prezidenttik jastar kadrlyq rezerviniń múshesi, forým uiymdastyrýshysy Aleksandr Danilov.
Prezidenttik jastar kadrlyq rezerviniń forýmyna elimizdiń ár óńirinen kelgen 100-ge jýyq adam qatysyp jatyr. Jáne ol 4 baǵyttan turady.
«Búgingi jiynda memlekettik basqarýdy jetildirý, adam kapitaly, ýrbanistika jáne qalalardy damytý, sol sekildi innovatsiia men jańa tehnologiialar taqyryby talqylanýda», - deidi ol.
Aita ketsek, forýmǵa Prezident Ákimshiliginiń ókilderi, memlekettik jas qyzmetshiler men Prezidenttik jastar kadrlyq rezerviniń músheleri qatysýda.
