Prezidenttik jastar kadr rezervin jasaqtaý tolyǵymen ashyq túrde júrgizilýde. Irikteýdiń basym bóligi onlain-rejimde ótti. Bul týraly búgin Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Mundaǵy eń basty maqsat – qatysýshylarǵa yńǵailylyq jasaý jáne qoǵamǵa qoljetimdi bolý. Prezident Qasym-Jomart Kemeluly aityp ótkendei: «Jastar Qazaqstannyń damý jolynda sheshýshi róldi atqarady. Progrestiń qozǵaýshy kúshi de bizdiń jastarymyz». Memlekettik qyzmetke zamanaýi oilaityn, quzyretti, qazirgi zamanǵy trendterdi biletin jastardy tartý maqsatynda agenttik tarapynan Prezidenttik jastar kadr rezervin jasaqtaý jalǵasýda», - deidi QR Memlekettik qyzmet isteri agenttiginiń tóraǵasy Anar Jaiylǵanova.
Atap ótilgendei, irikteýdiń alǵashqy tórt kezeńi óz máresine jetti.
«Qatysýshylardyń pikiri boiynsha, irikteýdiń úshinshi kezeńi óte qyzyqty ótti. Bul kezeńde úmitkerler ózderiniń jobalaryn qorǵady, esse jazdy jáne quzyretterin baǵalaýdan ótti. Esse men jobalyq jumystardy akademiialyq orta ókilderi, memlekettik qyzmetkerler, kásibi qoǵamdyq birlestikter men ǵylymi-zertteý institýttarynyń ókilderi baǵalady», - deidi ol.
Kelesi kezeń – Sarapshylyq komissiia múshelerimen jeke áńgimelesý. Ol osy jyldyń 27 qarasha-13 jeltoqsan aralyǵynda ótedi.
Eske sala ketsek, buǵan deiin Prezidenttik jastar kadr rezervine irikteý bastalǵanyn jazǵan bolatynbyz.
Bul joba Singapýrda tanystyrylǵan bolatyn.
