پرەزيدەنتتٸك جاستار كادر رەزەرۆٸن جاساقتاۋ تولىعىمەن اشىق تٷردە جٷرگٸزٸلۋدە. ٸرٸكتەۋدٸڭ باسىم بٶلٸگٸ ونلاين-رەجٸمدە ٶتتٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە ايتىلدى, دەپ حابارلايدى قازاقپارات.
«مۇنداعى ەڭ باستى ماقسات – قاتىسۋشىلارعا ىڭعايلىلىق جاساۋ جەنە قوعامعا قولجەتٸمدٸ بولۋ. پرەزيدەنت قاسىم-جومارت كەمەلۇلى ايتىپ ٶتكەندەي: «جاستار قازاقستاننىڭ دامۋ جولىندا شەشۋشٸ رٶلدٸ اتقارادى. پروگرەستٸڭ قوزعاۋشى كٷشٸ دە بٸزدٸڭ جاستارىمىز». مەملەكەتتٸك قىزمەتكە زاماناۋي ويلايتىن, قۇزىرەتتٸ, قازٸرگٸ زامانعى ترەندتەردٸ بٸلەتٸن جاستاردى تارتۋ ماقساتىندا اگەنتتٸك تاراپىنان پرەزيدەنتتٸك جاستار كادر رەزەرۆٸن جاساقتاۋ جالعاسۋدا», - دەيدٸ قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا.
اتاپ ٶتٸلگەندەي, ٸرٸكتەۋدٸڭ العاشقى تٶرت كەزەڭٸ ٶز مەرەسٸنە جەتتٸ.
«قاتىسۋشىلاردىڭ پٸكٸرٸ بويىنشا, ٸرٸكتەۋدٸڭ ٷشٸنشٸ كەزەڭٸ ٶتە قىزىقتى ٶتتٸ. بۇل كەزەڭدە ٷمٸتكەرلەر ٶزدەرٸنٸڭ جوبالارىن قورعادى, ەسسە جازدى جەنە قۇزىرەتتەرٸن باعالاۋدان ٶتتٸ. ەسسە مەن جوبالىق جۇمىستاردى اكادەمييالىق ورتا ٶكٸلدەرٸ, مەملەكەتتٸك قىزمەتكەرلەر, كەسٸبي قوعامدىق بٸرلەستٸكتەر مەن عىلىمي-زەرتتەۋ ينستيتۋتتارىنىڭ ٶكٸلدەرٸ باعالادى», - دەيدٸ ول.
كەلەسٸ كەزەڭ – ساراپشىلىق كوميسسييا مٷشەلەرٸمەن جەكە ەڭگٸمەلەسۋ. ول وسى جىلدىڭ 27 قاراشا-13 جەلتوقسان ارالىعىندا ٶتەدٸ.
ەسكە سالا كەتسەك, بۇعان دەيٸن پرەزيدەنتتٸك جاستار كادر رەزەرۆٸنە ٸرٸكتەۋ باستالعانىن جازعان بولاتىنبىز.
بۇل جوبا سينگاپۋردا تانىستىرىلعان بولاتىن.
