QR Memlekettik qyzmet isteri agenttigi Prezidenttik jastar kadr rezervi jeńimpazdarynyń mansaptyq damýyn qolǵa alady.
Bul týraly agenttik tóraǵasy Anar Jaiylǵanova aityp berdi, dep habarlaidy "Ult aqparat".
«Rezervke engen jastardyń qalai, qashan jumysqa ornalasatyny qoǵamdy qyzyqtyryp otyr. Qazirgi ýaqytta 300 jastyń 221-i (74%) salalyq topqa, 42 adam (14%) - basqarý tobyna jáne 37 adam (12%) - óńirlik topqa bólindi. Kei jeńimpazdar jaqyn arada memlekettik laýazymdarǵa taǵaiyndalýy múmkin. 2020 jyldyń alǵashqy toqsanynda Memlekettik qyzmet isteri agenttigi árbir qatysýshyny damytý boiynsha jeke josparyn qurady», - dedi Anar Jaiylǵanova QR Prezidenti janyndaǵy Ortalyq kommýnikatsiialar qyzmetinde ótken baspasóz máslihatynda.
Rezervshilerdiń joǵary laýazymdy memlekettik jáne kvazimemlekettik sektor qyzmetterine taǵaiyndalýy júieli mansaptyq ósý jolymen júrgiziledi. Agenttik qatysýshylardyń maqsaptyq damýyna baqylaý júrgizedi.
«Jeńimpazdardyń bir bóligi qajetti quzyrettilikter men daǵdylardy qalyptastyrý úshin Memlekettik basqarý akademiiasynyń bazasynda qysqa kýrstardan nemese úzdiksiz oqýdan ótedi», - dedi A. Jaiylǵanova.
Aita keteiik, Prezidenttik jastar kadr rezervine engen 300 úzdik qazaqstandyqtyń tizimi jariialandy. Tolyq tizimdi resmi saittan kórýge bolady.
