QR Qarjy vitse-ministri Berik Sholpanqulov kezekten tys prezidenttik sailaýǵa qarjy bólý boiynsha Ortalyq sailaý komissiiasynyń ótinishhatyn jariia etti, dep habarlaidy "Ult aqparat".
«Búginde rezerv qaldyǵy – 51 mlrd teńge. OSK sailaýǵa 12 mlrd teńge bólý týraly ótinishhatty engizdi. Qazirgi kezde esepteýler júrgizilýde, iaǵni osy baǵalaýdyń negizdiligi tekserilýde. Onyń qorytyndysyn qosymsha habarlaimyz», - dedi B. Sholpanqulov Senatta tilshilerdiń saýalyna jaýap bere otyryp.
Onyń sózine qaraǵanda, atalǵan qarjy somasy azaiýy múmkin.
«Bólinetin qarjy deńgeii tómendeýi yqtimal, ony esepteýler kezinde naqtylaimyz. Qarjynyń 70 paiyzy - sailaý okrýgterinde jumys isteýge tartylatyn adamdardyń eńbekaqysy.
Eger de barlyq esepteýler usynylsa, biz eki kúnniń ishinde taldaý júrgizip, qortyndysyn jasaýǵa daiynbyz. Ótken jylǵy talqylaý kezinde 2020 jylǵa 8,8 mlrd teńge qarastyrylǵan edi. Alaida 2019 jyly 1 qańtarda eń tómengi jalaqy mólsheri kóbeigen soń, atalǵan soma kóbeiip otyr», - dedi Berik Sholpanqulov.
