قر قارجى ۆيتسە-مينيسترٸ بەرٸك شولپانقۇلوۆ كەزەكتەن تىس پرەزيدەنتتٸك سايلاۋعا قارجى بٶلۋ بويىنشا ورتالىق سايلاۋ كوميسسيياسىنىڭ ٶتٸنٸشحاتىن جارييا ەتتٸ, دەپ حابارلايدى "ۇلت اقپارات".
«بٷگٸندە رەزەرۆ قالدىعى – 51 ملرد تەڭگە. وسك سايلاۋعا 12 ملرد تەڭگە بٶلۋ تۋرالى ٶتٸنٸشحاتتى ەنگٸزدٸ. قازٸرگٸ كەزدە ەسەپتەۋلەر جٷرگٸزٸلۋدە, ياعني وسى باعالاۋدىڭ نەگٸزدٸلٸگٸ تەكسەرٸلۋدە. ونىڭ قورىتىندىسىن قوسىمشا حابارلايمىز», - دەدٸ ب. شولپانقۇلوۆ سەناتتا تٸلشٸلەردٸڭ ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, اتالعان قارجى سوماسى ازايۋى مٷمكٸن.
«بٶلٸنەتٸن قارجى دەڭگەيٸ تٶمەندەۋٸ ىقتيمال, ونى ەسەپتەۋلەر كەزٸندە ناقتىلايمىز. قارجىنىڭ 70 پايىزى - سايلاۋ وكرۋگتەرٸندە جۇمىس ٸستەۋگە تارتىلاتىن ادامداردىڭ ەڭبەكاقىسى.
ەگەر دە بارلىق ەسەپتەۋلەر ۇسىنىلسا, بٸز ەكٸ كٷننٸڭ ٸشٸندە تالداۋ جٷرگٸزٸپ, قورتىندىسىن جاساۋعا دايىنبىز. ٶتكەن جىلعى تالقىلاۋ كەزٸندە 2020 جىلعا 8,8 ملرد تەڭگە قاراستىرىلعان ەدٸ. الايدا 2019 جىلى 1 قاڭتاردا ەڭ تٶمەنگٸ جالاقى مٶلشەرٸ كٶبەيگەن سوڭ, اتالعان سوما كٶبەيٸپ وتىر», - دەدٸ بەرٸك شولپانقۇلوۆ.
