QR Prezidenttigine kandidattyń memlekettik tildi meńgerý deńgeiin anyqtaityn lingvistikalyq komissiia múshesi Ádil Ahmetov atalmysh laýazymǵa úmitker Amangeldi Taspihovtyń emtihan nátijesin jariialady, dep habarlaidy QazAqparat.
25 sáýirde Amangeldi Taspihov «Qazaqstan Respýblikasynyń kásipodaqtar federatsiiasy» Respýblikalyq kásipodaqtar birlestigi atynan prezident sailaýyna kandidat retinde qujat tapsyrǵan bolatyn.
«Synaq ádettegidei úsh kezeńnen ótti. Jazbasha jumysqa Amangeldi Satybaldyuly Taspihov «Meniń elim» taqyrybyn tańdady. Bul taqyryptardyń barlyǵy konvertke salynǵan, aldyn ala bekitilgen. Úmitkerdiń jazbasha jumysy óte saýatty jazylǵan. Árine, azdaǵan pýnktýatsiialyq qateler ketti. Biraq, shyǵarma mazmuny tereń, taqyryp jaqsy ashylǵan», - dedi Ádil Ahmetov QR Ortalyq sailaý komissiiasynda ótken brifingte.
Ekinshi tapsyrma boiynsha kandidat belgili aqyn Qadyr Myrza Álidiń tańdamaly shyǵarmalar jinaǵynan óleń oqydy.
«Úshinshi tapsyrmada sóz sóileý úshin úmitkerge «Til taǵdyry - el taǵdyry» taqyryby tústi. Ol óz ýaqytyn tolyqqandy paidalandy. Komissiia onyń jumystaryna jan-jaqty taldaý júrgizip, qorytyndylady. Komissiia biraýyzdan Amangeldi Taspihovty tehnikalyq institýt bitirgen injener bolsa da, tili óte jatyq, barlyq tapsyrmalar boiynsha memlekettik tildi erkin meńgergen degen sheshim shyǵardy», - dedi komissiia múshesi.
Eske sala ketsek, Qazaqstanda kezekten tys prezident sailaýy 2019 jyldyń 9 maýsymynda ótedi.
Osy ýaqytqa deiin usynylǵan kandidatýralar: «Nur Otan» partiiasy atynan Qasym-Jomart Toqaev, «Aq jol» demokratiialyq partiiasynan - Dániia Espaeva, «Uly dala qyrandary» respýblikalyq qoǵamdyq birlestigi atynan - Sádibek Túgel, «Qazaqstan Respýblikasynyń kásipodaqtar federatsiiasy» Respýblikalyq kásipodaqtar birlestiginen - Amangeldi Taspihov, Qazaqstannyń Kommýnistik Halyq partiiasynan - Jambyl Ahmetbekov jáne «Aýyl» halyqtyq-demokratiialyq partiiasy atynan - Tóleýtai Rahymbekov.
