QR Premer-Ministriniń 2020 jylǵy 27 naýryzdaǵy ókimimen bekitilgen Jumyspen qamtýdyń jol kartasy (budan ári – JQJK) sheńberinde Qazaqstanda 6,5 myń infraqurylymdyq joba boiynsha bólinetin 255 myń jańa jumys ornyn ashý josparlanýda, dep habarlaidy "Ult aqparat" Eńbek jáne halyqty áleýmettik qoldaý ministrliginiń baspasóz qyzmetine silteme jasap.
Almaty qalasynda jumys oryndary eń kóp qurylatyn bolady – 26 myń, al Túrkistan oblysynda – 21,9 myń, Almaty oblysynda – 21 myń jumys orny.
Qyzmetkerlerdiń keminde jartysy halyqty jumyspen qamtý ortalyqtary arqyly jumysqa alynady dep kútilýde. Jumyssyz jastar basym sanat bolyp tabylady.
JQJK infraqurylymdyq jobalaryn iske asyrý tómendegi 4 negizgi baǵyt boiynsha ótedi:
– áleýmettik-mádeni obektilerdi kúrdeli jáne aǵymdaǵy jóndeý, rekonstrýktsiialaý jáne salý (bilim berý, densaýlyq saqtaý, áleýmettik qamsyzdandyrý, mádeniet, sport, demalys jáne t. b. obektiler);
– turǵyn úi-kommýnaldyq sharýashylyq obektilerin kúrdeli, ortasha jáne aǵymdaǵy jóndeý, rekonstrýktsiialaý (sýmen jabdyqtaý, káriz, gazben, jylýmen, elektrmen jabdyqtaý júieleri);
– injenerlik-kólik infraqurylymyn kúrdeli, ortasha jáne aǵymdaǵy jóndeý, rekonstrýktsiialaý jáne salý (avtomobil joldary, trotýarlar, bógetter, dambalar men kópirler, arnalar, sý sharýashylyǵy obektileri men qurylystary);
– eldi mekenderdi abattandyrý (aýlalardy abattandyrý, kóshelerdi, saiabaqtardy, skverlerdi jaryqtandyrý jáne kógaldandyrý, iesiz obektilerdi buzý jáne t. b.).
JQJK baǵyttaryn júzege asyrýǵa barlyǵy 1 trln teńge biýdjet qarajaty bólindi, onyń 37%-y (373 mlrd.teńge) qurylys jumystaryna, 19%-y (182 mlrd. teńge) – kúrdeli jóndeý jumystaryna, 31%-y (308 mlrd. teńge) aǵymdaǵy jáne ortasha jóndeý jumystaryna, 16%-y (127 mlrd. teńge) nysandar men qurylystardy rekonstrýktsiialaýǵa jumsalady.
Kúrdeli, ortasha jáne aǵymdaǵy jóndeý, rekonstrýktsiialaý jumystary respýblikalyq nemese kommýnaldyq menshiktegi obektiler boiynsha júrgiziledi. Infraqurylymdyq jobalardy irikteýdi jáne jumystardy iske asyrýdy jergilikti atqarýshy organdar eseptelgen qarjylandyrý limitterin jáne jumystardyń tiisti qujattamasynyń bolýyn negizge ala otyryp júzege asyrady.
Jobalardyń basym bóligin Almaty oblysynda (977), ShQO (813), Jambyl (690) jáne Qaraǵandy (625) oblystarynda iske asyrý josparlanýda.
Joba aiaqtalǵannan keiin 15,2 myń turaqty jumys ornyn qurý josparlanýda. Olardyń basym bóligi Almaty qalasynda qurylatyn bolady – 2 045, Almaty oblysynda – 1 830 jáne Túrkistan oblysynda – 1 531 jumys orny.
