Ómirdegi jetistikterim úshin ustazdaryma rizamyn. Prezidenttik jastar kadr rezerviniń jeńimpazy, qarjy taldaýshysy, «Astana International Exchange» birjasynyń basqarma múshesi Renat Bekturov ustazdar kúni qarsańynda osyndai pikir bildirdi, dep habarlaidy QazAqparat.
«Balany tárbieleý - bul pedagogter men ata-analardyń ortaq eńbegi, olar bir baǵytta jumys isteýi tiis» dep esepteidi Renat Bekturov.
Ótken jyldyń sońynda ol Prezidenttik jastar kadr rezervinde birinshi oryn aldy. Al mektepte oqyǵan jyldary jalpy bilim beretin pánder boiynsha respýblikalyq olimpiadanyń jáne matematika boiynsha respýblikalyq ǵylymi jobalar konkýrsynyń júldegeri boldy.
Renattyń synyptastary da úlken jetistikterge jetip, ustazdaryn rizashylyqpen eske alatynyn aitady.
«Men ustazdaryma óte rizamyn. Maǵan ǵana emes, búkil synypqa áser etken muǵalim – bizdiń synyp jetekshimiz Toqan Tóleýqyzy Bertisova. Betke ustar pedagog matematika pániniń muǵalimi bolǵan. Bizge bergen tárbiesi úshin bul adamnyń ómirimizde alatyn orny. Synyptastarymyzben bir otbasy siiaqty boldyq, 20 jyl ótse de áli kúnge deiin aralasamyz. Biz dostyǵymyzdy saqtap qaldyq, sol úshin ustazymyzǵa rizamyz. Ol kisi ata-analarymyzben tyǵyz bailanysta boldy. Árdaiym eskertýler jasap, baǵalap otyratyn. Balany tárbieleý - bul pedagogter men ata-analardyń ortaq eńbegi, olar bir baǵytta jumys isteýi kerek», - deidi Renat Bekturov.
.jpeg)