Prezidenttik Jastar kadrlyq rezerviniń ókili Aibek Berikuly Sáttibaev Shymkent qalasynyń ákiminiń orynbasary bolyp taǵaiyndaldy, dep habarlaidy "Ult aqparat".
Aibek Berikuly 1987 jyly týǵan, bilimi joǵary.
Mamandyǵy boiynsha qarjyger, memlekettik saiasat magistri. Ol Bank isi joǵary mektebiniń kolledjinde, T. Rysqulov atyndaǵy Qazaq ekonomikalyq ýniversiteti men «Bolashaq» stipendiiasy aiasynda Li Kýan Iu atyndaǵy memlekettik saiasat mektebinde bilim alǵan.
Eńbek jolynda Qazaqstandaǵy túrli bank mekelerinde, Qarjy ministrligi, Qarjy monitoringi komitetiniń bas mamany, sarapshysy, QR Investitsiialar jáne damý ministrliginiń strategiialyq josparlaý basqarmasynyń basshysy, Almaty qalasy ákiminiń bas inspektory, Almaty qalasynyń ekonomika jáne biýdjettik josparlaý basqarmasy basshysynyń orynbasary, «Uly Dala» kompaniialar toby biznesti damytý jónindegi direktory bolyp eńbek etken. Búgingi kúnge deiin «Kaspii» Áleýmettik kásipkerlik korporatsiiasynyń basqarma tóraǵasynyń orynbasary bolyp jumys atqaryp kelgen.
