Ortalyq sailaý komissiiasy prezidenttikke úmitkerler arasynda teledebat 29 mamyrda ótetinin habarlady.
Búgin Ortalyq sailaý komissiiasynyń otyrysy ótip, 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda sailaý aldyndaǵy pikirtalastar men pikirsaiystardy ótkizý máselesi qaraldy.
Qabyldanǵan qaýlyǵa sáikes, sailaý aldyndaǵy televiziialyq pikirtalastar men pikirsaiystar kúni 29 mamyr kúni Nur-Sultan qalasyndaǵy «Habar» agenttigi» aktsionerlik qoǵamynyń televiziialyq arnasy efirinde ótkiziletin boldy.
Qazirgi ýaqytta sailaý aldyndaǵy televiziialyq pikirtalastar men pikirsaiystardy júrgizý tártibin kózdeitin reglament ázirlengen.
Telepikirtalas 3 kezeńge bólingen.
Birinshi raýndtyń taqyryby - «Qazaqstannyń ekonomikalyq damý basymdyqtary». Sailaý aldyndaǵy televiziialyq pikirtalastar men pikirsaiystardyń birinshi raýndy eki týrdy qamtidy.
Birinshi týrda árbir qatysýshy óziniń sailaý aldyndaǵy baǵdarlamasyn tanystyrý maqsatynda sóz sóileidi.
Ekinshi týrda qatysýshylardan ózderiniń opponentterine «suraq-jaýap» túrinde pikirsaiys sessiiasy joramaldanady. Qatysýshylar ózderiniń opponentterine eki suraqtan qoiyp, sondai-aq eki suraqqa jaýap bere alady.
Ekinshi raýndtyń taqyryby - «Qazaqstannyń áleýmettik jańǵyrýy».
Ekinshi raýndtyń birinshi týrynda qatysýshylar berilgen taqyryp boiynsha sóz sóileidi.
Ekinshi týrda júrgizýshilerdiń barlyq qatysýshylarǵa bir suraq qoiýy joramaldanady.
Úshinshi raýndtyń taqyryby - «Sailaýshylarǵa arnaý». Úshinshi, qorytyndy raýndta qatysýshylar tikelei sailaýshylarǵa arnap sóz sóileidi.
