Áleýmettik jelide taraǵan beinejazbadan keiin kópshiliktiń yqylasyna bólengen 3 jasar Ámireniń armanyna bir taban jaqyndaýyna múmkindik týdy, dep habarlaidy ult.kz.
LRT vagonynda túsirilgen videoda búldirshin Memleket basshysy Qasym-Jomart Toqaev týraly jyly lebizin bildirip, ony saǵynǵanyn aitqan bolatyn. Balanyń shynaiy sózi jeli qoldanýshylarynyń júregin eljiretip, qysqa ýaqytta keń tarady.
Halyqaralyq balalardy qorǵaý kúni qarsańynda Jeńis Qasymbek kishkentai Ámiremen arnaiy kezdesip, oǵan Prezidenttiń atynan Alǵys hat pen estelik syilyqtardy tabys etti.
Ákim búldirshindi merekemen quttyqtap, oǵan jarqyn bolashaq pen zor densaýlyq tiledi.
Eske salaiyq, buǵan deiin áleýmettik jelilerde LRT ishinde túsirilgen videoda Ámire Memleket basshysymen kezdesýdi qalaitynyn aityp, kópshiliktiń nazaryn aýdarǵan edi. Balanyń shynaiy emotsiiasy men ańǵal tilegi qoǵamda qyzý talqylanyp, aqyry Prezident ákimshiliginiń de nazarynan tys qalmady.
