ەلەۋمەتتٸك جەلٸدە تاراعان بەينەجازبادان كەيٸن كٶپشٸلٸكتٸڭ ىقىلاسىنا بٶلەنگەن 3 جاسار ەمٸرەنٸڭ ارمانىنا بٸر تابان جاقىنداۋىنا مٷمكٸندٸك تۋدى, دەپ حابارلايدى ult.kz.
LRT ۆاگونىندا تٷسٸرٸلگەن ۆيدەودا بٷلدٸرشٸن مەملەكەت باسشىسى قاسىم-جومارت توقاەۆ تۋرالى جىلى لەبٸزٸن بٸلدٸرٸپ, ونى ساعىنعانىن ايتقان بولاتىن. بالانىڭ شىنايى سٶزٸ جەلٸ قولدانۋشىلارىنىڭ جٷرەگٸن ەلجٸرەتٸپ, قىسقا ۋاقىتتا كەڭ تارادى.
حالىقارالىق بالالاردى قورعاۋ كٷنٸ قارساڭىندا جەڭٸس قاسىمبەك كٸشكەنتاي ەمٸرەمەن ارنايى كەزدەسٸپ, وعان پرەزيدەنتتٸڭ اتىنان العىس حات پەن ەستەلٸك سىيلىقتاردى تابىس ەتتٸ.
ەكٸم بٷلدٸرشٸندٸ مەرەكەمەن قۇتتىقتاپ, وعان جارقىن بولاشاق پەن زور دەنساۋلىق تٸلەدٸ.
ەسكە سالايىق, بۇعان دەيٸن ەلەۋمەتتٸك جەلٸلەردە LRT ٸشٸندە تٷسٸرٸلگەن ۆيدەودا ەمٸرە مەملەكەت باسشىسىمەن كەزدەسۋدٸ قالايتىنىن ايتىپ, كٶپشٸلٸكتٸڭ نازارىن اۋدارعان ەدٸ. بالانىڭ شىنايى ەموتسيياسى مەن اڭعال تٸلەگٸ قوعامدا قىزۋ تالقىلانىپ, اقىرى پرەزيدەنت ەكٸمشٸلٸگٸنٸڭ دە نازارىنان تىس قالمادى.
