Sondai-aq, baspasóz hatshysynyń málimetine súiensek, budan keiin Prezident Túrkiia basshysynyń saraiyna barǵan. Munda Qasym-Jomart Toqaevty Rejep Taiip Erdoǵan erekshe saltanatpen qarsy alǵan.
"Qazaqstan delegatsiiasy baýyrlas elderge tán qarym-qatynasty túrik ultynyń árbir isinen, sózinen, áreketinen sezindi. Prezident Q.Toqaev Túrkiianyń táýelsizdigimizdi alǵash moiyndaǵan el ekenin aityp, baýyrlas, týystas, dostas eldiń bul qadamyn qazaq halqy eshqashan umytpaitynyn jetkizdi.
Bul jolǵy sapardyń mazmuny men maǵynasy eki el úshin de erekshe. Kelissózder nátijesinde 14 mańyzdy qujatqa qol qoiyldy. Olar áskeri, saýda, mádeniet, ekonomika jáne basqa da salalaryn qamtidy. Mysaly, Qazaqstan men Túrkiia ANKA ushqyshsyz barlaý apparattaryn birlesip óndirýge kelisti - Qazaqstan mundai kelisimge qol jetkizgen alǵashqy el", - deidi Prezidenttiń baspasóz hatshysy.
Sapardyń ekinshi kúni Prezident Túrkiianyń iri biznes ókilderimen kezdesip, kásipkerlerdi qandai suraq mazalaitynyn surady.
"Ashyq áńgime barysynda kóptegen problema kóterilip, prezident olardy júieli túrde sheshýge tapsyrma berdi. Jasalǵan kelisimsharttardyń tolyq oryndalýyn óziniń jeke baqylaýynda bolatynyn aityp, túrik baýyrlardy Qazaqstanǵa investitsiia quiýǵa shaqyrdy. Kezdesýlerdiń nátijesinde quny 1 milliard dollar bolatyn 30 kommertsiialyq kelisimshartqa qol qoiyldy", - delingen jazbada.
Sondai-aq, Rýslan Jeldibai Túrkiia prezidentiniń Qazaqstanǵa degen kózqarasy týraly aitty.
"Biznestiń damýy, investitsiialardyń kelýi saiasi júieniń ashyqtyǵy men turaqtylyǵyna bailanysty. Prezident osy maqsattaǵy reformalarǵa toqtalyp: "Besinshi maýsymda jalpyhalyqtyq referendým ótkiziletin boldy. Konstitýtsiiamyzdyń 33 babyna túzetýler engiziledi. Meniń maqsatym - halqyma meilinshe erkindik berý, demokratiia men zań ústemdigin kúsheitý. Prezident retinde eshqandai artyqshylyqtar men jeńildikterge qumar emespin. Mundaidy qalamaimyn", - dedi.
Rejep Taiip Erdoǵan Memleket basshysyna arnalǵan ár sózin "baýyrym" dep bastap, sóz júzinde emes, is júzinde Qazaqstanǵa jan-jaqty qoldaý kórsetýin jalǵastyra beretinin aitty. "Qazaq baýyrlarymyzdyń turaqtylyǵy, tynyshtyǵy men qaýipsizdigi úshin biz jaýapkershilik alýǵa daiyn ekenimizdi taǵy bir ret atap kórsetemin" - dedi.
Memleket basshynyń eki kúnge sozylǵan Túrkiiaǵa sapary osyndai baýyrlastyq, tilektestik, dostyq mazmunda ótti. Eń bastysy, jemisti ótti. Sebebi mundai keńeitilgen strategiialyq áriptestikke buryn-sońdy qol jetkizilmegen edi. Iaǵni, tek sóz júzinde emes, naqty qujat arqyly strategiialyq áriptestik bekitildi", - delingen jazbada.
Sondai-aq, ol el prezidentteri ústel tennisiniń kezekti partiiasyn osy kúzde Qazaqstanda jalǵastyrýǵa keliskenin habarlady.
