Memleket basshysy Mədeniet jáne sport ministri Aqtoty Raiymqulovany qabyldady, dep habarlaidy Aqordanyń baspasóz qyzmeti.
Prezidentke mədeniet, sport, týrizm, arhiv, kinematografiia salalarynda atqarylǵan jumystar týraly esep berildi. Sonymen qatar biyl ótetin Táýelsizdiktiń 30 jyldyǵy, jyr alyby Jambyl Jabaevtyń 175 jyldyǵy, kúsh atasy Qajymuqan Muńaitpasulynyń 150 jyldyǵyn jáne ózge de ataýly mereitoilyq datalardy atap ótýge bailanysty jasalatyn jumystardyń jaiy baiandaldy.
Qasym-Jomart Toqaevqa Shəken Aimanov atyndaǵy «Qazaqfilm» stýdiiasy men Ulttyq kinony qoldaý memlekettik ortalyǵynyń jumysy, «Kinematografiia týraly» Zańǵa engiziletin tolyqtyrýlar jóninde aityldy.
Mádeniet jáne sport ministri Memleket basshysyna Tokio Olimpiadasyna daiyndyq jumysy, balalar men jasóspirimderge arnalǵan shyǵarmashylyq úiirmeler men sport sektsiialaryna jan basyna shaqqandaǵy qarjylandyrý júiesin engizý boiynsha məlimet berdi.
Aqtoty Raiymqulova pandemiia kezinde ishki týrizmge suranystyń arta túskenin jetkizdi. Salany yntalandyrýdyń tiimdi tetikteriniń biri – balalardyń demalys oryndaryna ushaqpen barýyn sýbsidiialaý ekenin, osyǵan qatysty tiisti túzetý «Týrizm qyzmeti týraly» Zań jobasyna engizilip, respýblikalyq biýdjettik komissiia tarapynan qoldaý tapqanyn atap ótti.
Kezdesý sońynda Qasym-Jomart Toqaev Aqtoty Raiymqulovaǵa ideologiialyq, tárbielik mańyzy zor jumystardy, «Rýhani jańǵyrý» baǵdarlamasyn, tsifrlandyrý boiynsha qolǵa alynǵan bastamalardy sapaly jalǵastyrý, ministrliktiń onlain jobalaryn jandandyrý jóninde tapsyrma berdi.
