Foto: degdar-news.kz
Jaqynda Memleket basshysy Qasym-Jomart Kemeluly Toqaev Qyzylorda oblysyna jumys saparymen kelip, aimaqtyń damýyna serpilis bergen jobalarmen tanysty. Bul týraly Ult.kz degdar-news.kz-ke silteme jasap habarlaidy.Syr jurtshylyǵy Prezidentimizdiń birlik pen turaqtylyqqa, halqymyzdyń ál-aýqatyn jaqsartýǵa baǵyttalǵan bastamalaryn qoldap keledi.
Aimaqtaǵy igilikti isterdiń júzege asýyna erekshe qamqorlyq kórsetkenin jaqsy biledi. Óitkeni saiasi-ekonomikalyq reformalardyń nátijesi Qyzylorda oblysynyń búgingi damý serpininen anyq baiqalady.
Memleket basshysynyń óńir jurtshylyǵymen kezdesýde aitqan álemdegi ahýal, sý tapshylyǵy, jastar tárbiesi, jasandy intellekt dáýiriniń jańashyldyqtaryn paidalaný týraly paiymdary barshaǵa oi saldy. Ásirese, Astana men Almaty qalalaryndaǵydai táýlik boiy qyzmet kórsetetin úshinshi Prezidenttik kitaphanany Qyzylorda qalasynda salý týraly bastama jurtshylyqty qýanyshqa keneltti. Prezidenttiń:
«Oblys jalpy jaqsy damyp kele jatyr. Qarqyny joǵary»,- degen oń baǵasy yntymaǵy men birligi jarasqan Syr halqynyń mereiin ósirdi.
Sapardan soń, qyzylordalyqtar Memleket basshysy Qasym-Jomart Kemelulyna hat joldap, alǵys bildirdi.
«Sizge barsha Syr jurtshylyǵy atynan shynaiy alǵysymyzdy, zor rizashylyǵymyzdy bildiremiz.
Ádiletti, Qýatty, Taza Qazaqstandy qurý jolyndaǵy barlyq bastamalaryńyzdy qoldaimyz!
Táýelsiz elimizdiń damýyna baǵyttalǵan tarihi missiiańyzǵa mol jetistik, myqty densaýlyq jáne sarqylmas jiger tileimiz!»- delingen hatta.
Syr jurtshylyǵynyń atynan joldanǵan alǵysty jetkizgender arasynda “Qazaqstannyń Eńbek Erleri”, ardagerler men áielder keńesi, qoǵamdyq keńes, ziialy qaýym, azamattyq qoǵam ókilderi men jastar bar.
