Memleket basshysy «Qazaqstan temir joly» UK» AQ basqarma tóraǵasy Nurlan Saýranbaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa ulttyq kompaniianyń jumysy men júzege asyrylyp jatqan jobalar jaiynda málimet berildi.
Nurlan Saýranbaevtyń aitýynsha, 2021 jyldyń birinshi toqsanynda júk ainalymynyń kólemi pandemiiaǵa qaramastan 53,4 milliard tonna-shaqyrymdy quraǵan, bul ótken jylǵy osy kezeńniń deńgeiimen sáikes keledi. Biylǵy qańtar-naýryz ailarynda «Qazaqstan temir joly» UK» AQ jelisinde 60 million tonnadan astam júk tieldi. Bul byltyrǵy jyldyń sáikes kezeńimen salystyrǵanda 2 paiyzǵa artyq. El ishinde 40 million tonnadan astam júk tasymaldandy, atalǵan kórsetkish ótken jylmen salystyrǵanda 3 paiyzǵa ósken.
Budan bólek Prezidentke júrgizilgen kelissózderdiń arqasynda Alashańqai – Dostyq jáne Qorǵas – Altynkól shekaralyq ótkelderinde uzaq turyp qalǵan jabyq vagondar máselesi sheshimin tapqany jaiynda aityldy.
Sonymen qatar pandemiiaǵa bailanysty jolaýshylar sany 2020 jyldyń sáikes kezeńimen salystyrǵanda 19,5 paiyzǵa tómendegen.
«Qazaqstan temir joly» UK» AQ basshysy tranzittik áleýetti, onyń ishinde, Qytai – EýroOdaq – Qytai baǵytyndaǵy tranzittik konteinerlik tasymaldy damytý, vagondar men lokomotivter parkin jańartý, magistraldyq temirjol jelisin jańǵyrtý jónindegi jobalar, sondai-aq, tsifrlyq transformatsiia jáne kompaniianyń qarjylyq ornyqtylyǵy boiynsha qabyldanyp jatqan sharalar týraly aitty.
Kezdesý sońynda Qasym-Jomart Toqaev Nurlan Saýranbaevqa birqatar naqty tapsyrma berdi.
