Qasym-Jomart Toqaevtyń 2020 jyldyń 1 qyrkúiegindegi Joldaýynan halyqtyń qanshalyqty habardar ekeni anyqtaldy, dep habarlaidy «Demokratiia institýty» ǵylymi-zertteý qaýymdastyǵy.
«Demokratiia institýty» ǵylymi-zertteý qaýymdastyǵynyń joba direktory, áleýmettaný magistri Basharina Tatiana keltirgen derek boiynsha, saýalnama Prezident Qasym-Jomart Toqaevtyń 2020 jyldyń 1 qyrkúiegindegi Joldaýy týraly turǵyndardyń jetkilikti deńgeide habardar ekenin kórsetken.
Ár úshinshi respondent Memleket basshysynyń sóilegen sózin BAQ-tan oqyǵan nemese tyńdaǵan. Respondentterdiń taǵy 54,4%-y Joldaý týraly estigen, biraq onyń mazmunymen tolyq tanys emes. Jalpy alǵanda, respondentterdiń 84,4%-y 2020 jyldyń 1 qyrkúieginde Memleket basshysynyń Qazaqstan halqyna Joldaýy jariialanǵandyǵy týraly qandai da bir aqparat alǵan. Saýalnama 15-25 qazan aralyǵynda 14 oblys pen respýblikalyq mańyzy bar 3 qalada, 18 jastan asqan 1600 respondentti qamtý arqyly júrgizildi.
Respondentterdiń 43,7%-y Joldaýda olardy mazalaityn máseleler aitylǵanyn atap ótti. Respondentterdiń bul sanaty Joldaýdy oń baǵalady.
«Qazaqstan halqyna Joldaýdan qandai másele kóp este qaldy?» degen suraqqa jaýaptarynan Prezidenttiń halyqtyń ál-aýqatyn saqtaý jáne jaqsartý, halyqtyń jumyspen qamtylýy men kiristerin saqtaý jónindegi mindetterdiń basymdyǵy týraly bastamalary qazaqstandyqtar arasynda eń úlken qoldaý tapqany baiqaldy. Pandemiia jaǵdaiynda qazaqstandyqtar ekonomikalyq damý sharalaryn keńinen qoldady.
«Qazaqstan Respýblikasy Prezidentiniń Qazaqstan halqyna Joldaýynan ne kóbirek esińizde qaldy?» degen suraqqa respondentterdiń jaýaptarynyń bólinisi*
|
Halyqty áleýmettik qoldaý (jańa jumys oryndary, azyq-túlikke baǵany saqtaý, halyqtyń álsiz toptaryn áleýmettik qorǵaý jáne t.b.) |
36,0% |
|
Ekonomika damytý jáne ekonomikalyq reformalar (ShOB qoldaý, aýyl sharýashylyǵyn damytý, daǵdarysqa qarsy sharalar, jasyl ekonomika jáne t.b.) |
29,2% |
|
Densaýlyq saqtaý júiesin damytý (koronavirýspen kúresý, meditsina qyzmetkerlerin laiyqty jalaqymen qamtamasyz etý, jańa aýrýhanalar salý jáne t.b.) |
26,2% |
|
Memlekettik basqarý júiesin reformalaý (ádiletti memleket azamattardyń qorǵanyshy, sybailas jemqorlyqpen kúres, memlekettik basqarýdyń jańa modeli, tsifrlandyrý jáne t.b.) |
25,8% |
|
Saiasi reformalar jáne ulttyń jańa sapasy (ákimderdi sailaý, zorlyq-zombylyqqa, pedofiliiaǵa qatysty zańdardy qatańdatý jáne t.b.) |
24,0% |
|
Turǵyn úi máselelerin sheshý (zeinetaqy jinaqtaryn paidalaný múmkindigi jáne t.b.) |
23,2% |
|
Bilim sapasyn arttyrý jáne qol jetimdilikti qamtamasyz etý (qashyqtyqtan bilim berýdi damytý jáne qol jetimdiligin qamtamasyz etý)
|
23,0% |
Osylaisha, Memleket basshysynyń Joldaýy Qazaqstan halqy tarapynan qoldaý tapty jáne qoǵam onyń júzege asyrý men oryndalýyna úlken úmit artyp otyr.
.jpeg)