Prezident Joǵarǵy sot tóraǵasy Jaqyp Asanovty qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysyna aldaǵy sot reformasynyń negizgi baǵyttary, ákimshilik ádilet mehanizmin engizýge daiyndyq jumystary, sondai-aq, sot óndirisinde qoldanylatyn IT ázirlemeler jaiynda baiandaldy.
Jaqyp Asanov sot júiesin 2021 jyldyń shilde aiynan bastap kúshine enetin jańa Ákimshilik rásimdik-protsestik kodeksine daiyndaý barysy týraly aitty.
Qasym-Jomart Toqaev árbir sot zań ústemdigin qamtamasyz etýdegi óziniń rólin tereń túsinýi kerek ekenine basa mán berdi. Memleket basshysynyń pikirinshe, bul azamattardyń quqyǵy men erkindigin qorǵaý, qolaily investitsiialyq klimat qalyptastyrý, kásipkerlikti jáne tutas ekonomikany damytý boiynsha mańyzdy mindet.
Qazaqstan Prezidenti sottardyń kásibiligi men adaldyǵy eń basty qundylyq bolýy kerek ekenin atap ótti. Sebebi aldaǵy ýaqytta iske asatyn reformanyń tabysty bolýy osyǵan tikelei bailanysty.
