Foto: Aqorda
Memleket basshysyna biylǵy jeti aidaǵy sot júiesiniń jumysy jóninde Joǵarǵy sot tóraǵasy Aslambek Merǵaliev baiandady, dep habarlaidy Ult.kz.
Onyń aitýynsha, azamattyq isterde daýlardy sheshýdiń balamaly ádisterin qoldaný 24%-ǵa ósip, 76 myńǵa jetken. Bul qatarǵa mediatsiia, tatýlastyrý jáne bitimge kelý rásimderi kiredi.
Azamattardyń quqyǵyn qorǵaý aiasynda memlekettik organdar men laýazymdy tulǵalardyń 2,6 myń aktisi (57%) zańsyz dep tanyldy.
Qylmystyq is júrgizýde de oń ózgerister bar: tergeý sottarynyń qamaýǵa alýdan bas tartý úlesi 23%-dan 37%-ǵa deiin ósti. Aqtalǵan azamattar sany 59-dan 88-ge kóbeidi.
Sonymen birge, 1 shildeden bastap derbes kassatsiialyq sot jumysyn bastady. Bir ai ishinde oǵan 5 myńǵa jýyq aryz-shaǵym túsken.
Prezident Qasym-Jomart Toqaev sot tóreliginiń sapasyn arttyrý jáne halyqtyń sot júiesine senimin nyǵaitý baǵytyndaǵy jumysty jalǵastyrýdyń mańyzdylyǵyn atap ótti.
