«Nur Otan» partiiasynyń hatshysy Ilia Terechenko QR Prezidenti Nursultan Nazarbaevtyń «Uly dalanyń jeti qyry» atty maqalasyna orai pikir bildirdi, dep habarlaidy QazAqparat tilshisi.
«Memleket basshysynyń «Uly dalanyń jeti qyry» atty maqalasynyń ýaqytyly ári ózekti ekendigi anyq. El tabysynyń kepili - bul ótken bai tarihqa degen maqtanysh, qazirgi zamanǵa pragmatikalyq baǵa berý jáne bolashaqqa degen pozitivti kózqaras. Dál osy paiym maqalanyń ón boiynda qyzyl jippen órilgen», - deidi ol.
Onyń aitýynsha, Elbasy barsha qazaqstandyqtardy shyqqan tegin tanýǵa jáne óziniń ótkenine tarihi protsesterdiń kópqyrlylyǵyn eskere otyryp, qazirgi zamanǵy ǵylym biiktiginen qaraýǵa, belgili bir oqiǵalardy durys ári ádil baǵalaýǵa úndeidi. Bul rette Memleket basshysy osynaý Uly dalada ómir súrip jatqan kóptegen etnostar úshin ortaq Otan sanalatyn Qazaqstan tarihy týraly sóz bolyp otyrǵanyn airyqsha atap ótedi.
«Baiyrǵy ulttyń ókili bolmasam da, Qazaqstan tarihy - taǵdyr talqysymen kóp japa shekken osynaý ulanǵaiyr jerdiń bólshegine ainalǵan meniń tarihym, meniń otbasymnyń tarihy ekendigin aitqym keledi. Memleket basshysy naqty aiqyndap bergen Uly dalanyń árbir jeti qyry barlyq qazaqstandyqtyń airyqsha maqtanysh sezimin týǵyzady. Al «Arhiv-2025» jeti jyldyq baǵdarlamasy aiasynda ótkendi odan ary zerdeleý, «Uly dalanyń uly esimderi» atty oqý-aǵartý entsiklopediialyq saiabaǵyn ashý, «Túrki órkenieti: túp tamyrynan qazirgi zamanǵa deiin» atty jobany qolǵa alý usynystary baiypty zertteýler júrgizip, kóptegen irgeli máselelerdi paiymdaýǵa jáne ortaq tarihymyzdyń belgisiz paraqtaryn ashýǵa múmkindik beredi.
Bizdiń odan arǵy jumysymyzda naqty baǵdarǵa ainalǵan maqalanyń shyǵýyn partiialastarym zor qyzyǵýshylyqpen ári qulshynyspen qabyldaǵanyn atap ótkim keled», - deidi Ilia Terechenko.
Spikerdiń pikirinshe, «Rýhani jańǵyrý» jalpyulttyq baǵdarlamasynyń jańa komponentterin júzege asyrý ótken kúnge pozitivti kózqaras qalyptastyryp, jastardy patriotizmge tárbieleý, qoǵamdyq sanany jańǵyrtýǵa aitarlyqtai úles qosady.
Aita keteiik, búgin Elbasy Nursultan Nazarbaevtyń «Uly dalanyń jeti qyry» atty maqalasy jariialandy.
.jpeg)