Memleket basshysy QR Prezidenti janynan Ulttyq qoǵamdyq senim keńesin qurý týraly Jarlyqqa qol qoidy, dep habarlady Aqordanyń baspasóz qyzmeti. "Ult aqparat" Jarlyqtyń tolyq mátinin jariialaidy.
***
Qazaqstan Respýblikasy Prezidentiniń janyndaǵy Ulttyq qoǵamdyq senim keńesin qurý týraly
Qazaqstan Respýblikasy Konstitýtsiiasynyń 44-baby 20) tarmaqshasyna sáikes QAÝLY ETEMIN:
1. Qazaqstan Respýblikasy Prezidentiniń janyndaǵy Ulttyq qoǵamdyq senim keńesi (budan ári - Keńes) qurylsyn.
2. Qazaqstan Respýblikasy Prezidentiniń Ákimshiligi bir ailyq merzimde:
1) saiasi partiialar, úkimettik emes uiymdar kóshbasshylarymen, azamattyq sektor ókilderimen Keńesti qalyptastyrý jáne onyń jumys tártibi máseleleri boiynsha konsýltatsiialar ótkizsin;
2) ótkizilgen konsýltatsiialar qorytyndylary boiynsha Qazaqstan Respýblikasy Prezidentiniń qaraýyna Keńestiń quramy men Keńes týraly erejeni engizsin.
3. Osy Jarlyq qol qoiylǵan kúninen bastap qoldanysqa enedi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2019 jylǵy 12 maýsym
№ 3
