QR Prezidenti Qasym-Jomart Toqaev Qazaqstan Respýblikasynyń Básekelestikti qorǵaý jáne damytý agenttiginiń keibir máseleleri týraly Jarlyqqa qol qoidy, dep habarlaidy "Ult aqparat" Aqordaǵa silteme jasap.
Qujatta Qazaqstan Respýblikasynyń Básekelestikti qorǵaý jáne damytý agenttigi týraly ereje; Agenttiktiń qurylymy qosa berilgen.
«Agenttikke Qazaqstan Respýblikasy Saýda jáne integratsiia ministrliginiń taýar birjalary salasyndaǵy qyzmetti memlekettik baqylaýdy jáne litsenziialaýdy júzege asyrý jónindegi fýnktsiialary men ókilettikteri berilsin», delingen Jarlyqta.
Jarlyqtan týyndaityn ózge de sharalardy qabyldaý Qazaqstan Respýblikasynyń Úkimetine, onyń oryndalýyn baqylaý Qazaqstan Respýblikasy Prezidentiniń Ákimshiligine júktelgen.
Qujattyń tolyq mátinimen myna siltemede tanysýǵa bolady.
Eske sala ketsek, 1 qyrkúiekte Memleket basshysy Qasym-Jomart Toqaev Qazaqstan halqyna jyl saiynǵy dástúrli Joldaýynda Prezidentke tikelei qarasty Básekelestikti qorǵaý jáne damytý jónindegi agenttik qurýdy tapsyrdy.
