Memlekettik hatshy Erlan Qarin QR Prezidenti janyndaǵy Jastar saiasaty jónindegi keńestiń jańa quramyn jariialady, dep habarlaidy "Ult aqparat".
"Qazaqstan Respýblikasy Prezidenti janyndaǵy Jastar saiasaty jónindegi keńestiń jańa quramy bekitildi.
Onyń quramyna qoǵam belsendileri, jas ǵalymdar men kásipkerler, aýyl, óńir jáne shyǵarmashyl jastardyń ókilderi, «Táýelsizdik urpaqtary» grantynyń iegerleri, Prezidenttik kadr rezerviniń músheleri, jastar uiymdarynyń kóshbasshylary kirdi.
Bul jastardyń barlyǵy - óz salasynyń maitalman mamandary. Óskeleń urpaqtyń ózekti máselelerin jaqsy biledi. Ártúrli jas býynnyń arasynda zor bedel men senimge ie. Jańa quram jastar saiasatyn jetildirýge bailanysty tujyrymdamalyq qujattarmen usynystardy ázirleýge atsalysady.
Jaqynda Keńestiń múshelerimen ZOOM arqyly kezdesip, aldaǵy josparlarymyz ben jumys tártibin aqyldastyq. El damýynyń jańa kezeńinde Keńes jastardyń kún tártibinde turǵan máselelerin sheshýdiń naqty alańyna ainalady dep úmittenemin", - dep jazdy Qarin Facebook paraqshasynda.
Aita keteiik, Keńestiń jańa quramyna kásipker Ashat Nurmashev ("Asar-Ume" qoǵamdyq qorynyń prezidenti), rejisser Qýanysh Beisekov ("Irina Qairatovna), akter Asylhan Tólepov ("Jaýjúrek myń bala", "Balalyq shaǵymnyń aspany"), Ozen mýzykalyq platformasynyń negizin qalaýshy Aizat Qusaiynov, OYLA ǵylymi-kópshilik jýrnalynyń bas redaktorlary Mariia Valiaeva, Ulttyq eriktiler jelisiniń direktory Tatiana Mironiýk jáne t.b. kirdi.
