Ulttyq keńes músheleriniń sany 44-ten 48-ge ósetin boldy. Bul týraly Qazaqstan Respýblikasy Prezidentiniń kómekshisi Erlan Qarin Facebook-tegi paraqshasynda jazdy, dep habarlaidy "Ult aqparat".
«Ulttyq keńestiń quramy keńeitildi. Endi Keńeske 48 qoǵam qairatkeri múshe bolady (buryn 44 bolatyn). Ulttyq keńestiń quramyna Mańǵystaý oblysynan qoǵam qairatkeri Ýais Ersaiynuly, belgili saiasattanýshy Býrihan Nurmuhamedov, kásipker, «Altyn Kyran» halyqaralyq qaiyrymdylyq qorynyń prezidenti Islambek Saljanov kirdi» dep jazdy ol.
Sondai-aq, Prezident keńesshisi rotatsiia aiasynda Ulttyq keńes quramynan Aýyt Muqibektiń shyǵarylǵanyn málimdedi.
«Qazir Ulttyq keńestiń altynshy otyrysyna daiyndyq aiasynda UQSK músheleriniń óńirlerdegi kóshpeli jiyndary uiymdastyrylýda. Kóshpeli otyrystyń baǵdarlamasyna sáikes UQSK músheleri qoǵamdyq keńesterdiń ókilderimen, qoǵam belsendilerimen, sonymen qatar jergilikti atqarýshy organdardyń ókilderimen kezdesedi.
Sonyń qorytyndysy boiynsha Ulttyq keńestiń kelesi otyrysynda qaralatyn usynystar ázirlenetin bolady», - dep jazdy Erlan Qarin.
