QR Prezidenti janyndaǵy memlekettik basqarý akademiiasyna qujat qabyldaý bastaldy, dep habarlaidy QazAqparat.
Dóńgelek ústel barysynda QR Prezidenti janyndaǵy memlekettik basqarý akademiiasynyń rektory Erlan Qýanyshuly Ábil 2022 jyly akademiiaǵa túsýdiń erejelerin, talaptaryn, jańashyldyqtar men akademiiada bilim alýdyń artyqshylyqtary týraly aityp berdi.
Eske salaiyq, akademiiaǵa oqýǵa túsýge qujattar 2022 jyldyń 1 naýryzynda bastaldy, 23 shildege deiin jalǵasady. Qujattar onlain formatta akademiianyń arnaiy aqparat júiesinde qabyldanady.
Akademiiada memlekettik qyzmetshilerdi daiarlaý 10 magistratýra baǵdarlamasy jáne 3 doktorantýra baǵdarlamasy boiynsha júzege asyrylady.
Mamandardy daiarlaýǵa bólingen biylǵy memlekettik tapsyrys kólemi 132 oryndy quraidy, onyń ishinde 120 oryn – magistratýra, 12 oryn – doktorantýraǵa qarastyrylǵan.
Akademiiada oqýdyń birqatar artyqshylyqtary bar.
- úsh tilde oqytý: qazaq, orys, aǵylshyn, onyń ishinde keiinnen sertifikattaý múmkindigimen kúsheitilgen tildik daiarlyq: Professional English for International Relations, diplomatqa arnalǵan frantsýz tili (MIR);
- jekelegen pánder boiynsha dárister berý úshin jetekshi sheteldik jáne qazaqstandyq sarapshylardy, memlekettik basqarý jáne diplomatiialyq qyzmet salasyndaǵy praktik mamandardy tartý;
- áleýmettik jáne kásibi netvorkingtiń damýy, ózara oqytý (peer learning);
- akademiialyq utqyrlyq sheńberinde sheteldik seriktes ýniversitetterde bilim alý múmkindigi;
- sheteldik seriktes joǵary oqý oryndarynda, halyqaralyq uiymdarda, sonymen qatar Qazaqstan Respýblikasynyń diplomatiialyq ókildikteri men jetekshi diplomatiialyq mektepterde taǵylymdamadan ótý múmkindigi;
- seriktes joǵary oqý oryndary bazasynda 2 diplomdyq bilim alý múmkindigi (AQSh, BAÁ) - MPA, EMPA, MPP, ME baǵdarlamalary úshin;
- jumys orny men laýazymynyń saqtalýy, úzdiksiz eńbek ótili;
- qyzmettik jalaqy kóleminde stipendiia;
- jas memlekettik qyzmetshilerge arnalǵan úiden bólme berý.
Talapkerlerge qoiylatyn negizgi talaptar - memlekettik organnyń joldamasy qajet, ol bolmaǵan jaǵdaida, memlekettik qyzmetshi joldamany akademiiaǵa oqýǵa aldyn ala qabyldaý qorytyndylary boiynsha usyna alady.
Aǵylshyn tilin bilý deńgeiin rastaityn halyqaralyq sertifikattardyń biri (IELTS nemese TOEFL nemese IELTS INDISATOR, APTIS**, TOEIC, PIPPLET) magistratýraǵa - IELTS keminde 4,0 (V1), EMBA baǵdarlamasyna – IELTS keminde 5,5, doktorantýraǵa - IELTS keminde 5,5 (V2), sonymen qatar, memlekettik tildi bilý deńgeiin rastaityn sertifikattardyń biri, QazResmiTest nemese Qaztest (V1 deńgeiinen tómen emes) qajet.
Magistratýraǵa túsý úshin memlekettik qyzmetshiler úshin keminde 2 jyl, doktorantýraǵa keminde 3 jyl eńbek ótiliniń bolýy - negizgi talap.
Akademiiada oqýǵa túsý úshin daiyndyq kýrstary qarastyrylǵan, olar sáýir aiynyń basynan maýsym aiynyń sońyna deiin júrgiziledi.
Konkýrstyq irikteý kezeńderin ótkizý kezinde akademiia ashyqtyq, parasat jáne klientke baǵdarlaný qaǵidattarynyń saqtalýyn qamtamasyz etedi.
