Prezident Almaty áýejaiynda jańa halyqaralyq terminaldyń qurylysyn bastaýǵa ruqsat berdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevtyń Almaty qalasyna jasaǵan jumys sapary ońtústik astana áýejaiynyń jańa halyqaralyq terminaly qurylysynyń kapsýlasyn salý rásimine qatysýmen aiaqtaldy.
Is-shara barysynda Túrkiianyń TAV Airports Holding kompaniiasynyń bas direktory Serkan Kaptan, holdingtiń direktorlar keńesi tóraǵasynyń orynbasary Sani Shener jáne Almaty halyqaralyq áýejaiynyń prezidenti Ersoi Alp Er Týnga Qasym-Jomart Toqaevqa investitsiialyq joba týraly málimet berdi.
Budan keiin Prezident áýejaidyń jańa halyqaralyq terminalynyń qurylysyn bastaýǵa ruqsat berdi.
Memleket basshysy Almaty áýejaiy elimiz úshin mańyzdy strategiialyq nysan jáne Qazaqstannyń áýe qaqpasy ekenin atap ótti.
— Jańa terminal salynǵannan keiin áýejaida jylyna 14 million jolaýshyǵa deiin qyzmet kórsetiletin bolady, iaǵni eki esege artady degen sóz. Jańa terminal eń ozyq tehnologiiamen jabdyqtalyp, halyqaralyq standarttarǵa sai bolýy kerek. Eń bastysy barlyq jumysty ýaqytynda aiaqtaý qajet, – dedi Prezident.
Qurylysqa salynǵan investitsiianyń jalpy kólemi 200 million dollardan asady. Jańa terminal tek halyqaralyq baǵyttaǵy reisterge, al qazirgisi ishki reisterge qyzmet kórsetedi. Qurylys 2024 jyly jazda aiaqtalady dep josparlanǵan.
