پرەزيدەنت الماتى ەۋەجايىندا جاڭا حالىقارالىق تەرمينالدىڭ قۇرىلىسىن باستاۋعا رۇقسات بەردٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆتىڭ الماتى قالاسىنا جاساعان جۇمىس ساپارى وڭتٷستٸك استانا ەۋەجايىنىڭ جاڭا حالىقارالىق تەرمينالى قۇرىلىسىنىڭ كاپسۋلاسىن سالۋ رەسٸمٸنە قاتىسۋمەن اياقتالدى.
ٸس-شارا بارىسىندا تٷركييانىڭ TAV Airports Holding كومپانيياسىنىڭ باس ديرەكتورى سەركان كاپتان, حولدينگتٸڭ ديرەكتورلار كەڭەسٸ تٶراعاسىنىڭ ورىنباسارى ساني شەنەر جەنە الماتى حالىقارالىق ەۋەجايىنىڭ پرەزيدەنتٸ ەرسوي الپ ەر تۋنگا قاسىم-جومارت توقاەۆقا ينۆەستيتسييالىق جوبا تۋرالى مەلٸمەت بەردٸ.
بۇدان كەيٸن پرەزيدەنت ەۋەجايدىڭ جاڭا حالىقارالىق تەرمينالىنىڭ قۇرىلىسىن باستاۋعا رۇقسات بەردٸ.
مەملەكەت باسشىسى الماتى ەۋەجايى ەلٸمٸز ٷشٸن ماڭىزدى ستراتەگييالىق نىسان جەنە قازاقستاننىڭ ەۋە قاقپاسى ەكەنٸن اتاپ ٶتتٸ.
— جاڭا تەرمينال سالىنعاننان كەيٸن ەۋەجايدا جىلىنا 14 ميلليون جولاۋشىعا دەيٸن قىزمەت كٶرسەتٸلەتٸن بولادى, ياعني ەكٸ ەسەگە ارتادى دەگەن سٶز. جاڭا تەرمينال ەڭ وزىق تەحنولوگييامەن جابدىقتالىپ, حالىقارالىق ستاندارتتارعا ساي بولۋى كەرەك. ەڭ باستىسى بارلىق جۇمىستى ۋاقىتىندا اياقتاۋ قاجەت, – دەدٸ پرەزيدەنت.
قۇرىلىسقا سالىنعان ينۆەستيتسييانىڭ جالپى كٶلەمٸ 200 ميلليون دوللاردان اسادى. جاڭا تەرمينال تەك حالىقارالىق باعىتتاعى رەيستەرگە, ال قازٸرگٸسٸ ٸشكٸ رەيستەرگە قىزمەت كٶرسەتەدٸ. قۇرىلىس 2024 جىلى جازدا اياقتالادى دەپ جوسپارلانعان.
