Foto: Aqorda
Memleket basshysy Qasym-Jomart Toqaev Ulytaý oblysynyń ákimi Dastan Ryspekovti qabyldap, óńirdiń áleýmettik-ekonomikalyq damýy týraly esep aldy, dep habarlaidy Ult.kz.
Ákim baiandamasynda negizgi kórsetkishterdiń aitarlyqtai óskeni atap ótildi:
- Ónerkásip óndirisi ótken jyly 8%-ǵa artty;
- Qurylys jumystarynyń kólemi 28%-ǵa ulǵaidy;
- Turǵyn úidi paidalanýǵa berý kórsetkishi 30%-ǵa joǵarylady;
- Óńirge 226 milliard teńgeden astam investitsiia tartylǵan, onyń 89%-y jeke investitsiialardy quraidy;
- Jalpy somasy 940 milliard teńgelik investitsiialyq pýl jasaqtalǵan;
- Biyl quny 138 milliard teńgege teń 17 joba júzege asyrylmaq.
Kezdesý barysynda oblystaǵy qaýipsizdik jáne áleýmettik máseleler de talqylandy.
- Prezidentke qaýipti óndiris oryndarynda eńbek etetin jumysshylardyń qaýipsizdigin qamtamasyz etý baǵytynda atqarylyp jatqan sharalar týraly baiandaldy. Bul jumystar ákimdik pen Úkimettiń birlesken áreketimen júrgizilýde.
- Dastan Ryspekov jaqynda «Qazaqmys» korporatsiiasynyń kenishinde oryn alǵan apat saldarynan qaza tapqan shahterlerdiń otbasylaryna kórsetilgen kómekter týraly esep berdi.
Memleket basshysy birqatar tapsyrma berdi:
- Kólik-logistikalyq áleýetti arttyrý;
- Infraqurylymdy jańǵyrtý;
- Halyqqa sapaly meditsinalyq qyzmet kórsetý;
- Taza aýyzsýmen qamtamasyz etý;
- Ekologiialyq máselelerdi sheshý.
