Qazaqstan Prezidenti Qasym-Jomart Toqaev Ulttyq qoǵamdyq senim keńesiniń V otyrysynda kótergen másele sheshimin tapty. Maýsymnyń sońynda Memleket basshysy "Qazaqstan Respýblikasynyń keibir zańnamalyq aktilerine inkliýzivti bilim berý máseleleri boiynsha ózgerister men tolyqtyrýlar engizý týraly" Zańǵa qol qoidy. Bul týraly Aqordanyń baspasóz qyzmeti habarlady, - dep habarlaidy «Ult aqparat».
Aita keteiik, memleket basshysy Ulttyq qoǵamdyq senim keńesiniń V otyrysynda Qasym-Jomart Toqaev elimizde erekshe bilim berý qajettilikteri bar balalardyń sany ósip kele jatqanyn, biraq mundai mamandandyrylǵan uiymdardyń jumys isteýi boiynsha qoldanystaǵy normalar eskirgenin atap ótti.
Soǵan bailanysty Prezident óńirlerdiń ereksheligin jáne zamanaýi standarttardy eskere otyryp, osy saladaǵy normativterdi jańartýdy tapsyrǵan bolatyn. Endi bul zań qabyldanǵan soń atalǵan salada birneshe ózgeris engizilmek.
Zań erekshe qajettilikteri bar balalarǵa jaǵdai jasalmaǵan mektep basshylary tarapynan jaýapkershilikti kózdeidi. Ol sondai-aq inkliýzivti jáne arnaiy bilim berýdiń normativtik quqyqtyq bazasyn jetildirýge baǵyttalǵan. Zań ony adam quqyqtarynyń jalpyǵa birdei deklaratsiiasynyń qaǵidattaryna jáne múgedekterdiń quqyqtary týraly Konventsiianyń erejelerine sáikes keltirýge múmkindik beredi.
Budan basqa, bilim berý salasynda erekshe bilim berilýine qajettiligi bar adamdardy ózin-ózi jetildirý jáne bilim berýdiń barlyq deńgeilerinde ómir boiy oqýyn jalǵastyrý úshin jaǵdailarmen qamtamasyz etý bóliginde memlekettik kepildikter belgileý kózdelgen.
Sondai-aq, zań jobasynda psihologiialyq-pedagogikalyq qoldaý qyzmetin qalyptastyrý jáne erekshe bilim berý qajettilikteri bar balalardy psihologiialyq-pedagogikalyq qoldaý úshin arnaiy jaǵdailar jasaýdy retteý qarastyrylǵan.
Bilim alýshynyń damý erekshelikterine bailanysty oqý baǵdarlamalarynyń variativtiligin, ikemdiligin qamtamasyz etetin normalar engizilgen.
Múmkindigi shekteýli balalardy arnaiy psihologiialyq-pedagogikalyq qoldaýǵa memlekettik bilim berý tapsyrysyn ornalastyrý 2022 jylǵy 1 qyrkúiekten bastalady.
Bul zań jobasyn prezidenttiń keńesshisi Erlan Qarin de túsindirgen edi. Onyń sózinshe, atalǵan zań jobasynda erekshe qajettilikteri bar balalar úshin oqý baǵdarlamalary beiimdelip, olar úshin jeke-damytý baǵdarlamalary ázirlenedi.
"Atalǵan zań jobasynda erekshe qajettilikteri bar balalar úshin psihologiialyq-pedagogikalyq súiemeldeý engiziledi. Sonymen qatar múmkindigi shekteýli balalardy psihologiialyq-pedagogikalyq qoldaýǵa memlekettik bilim berý tapsyrysyn qarjylandyrýdyń jan basyna shaqqandaǵy normativi ázirlenetin bolady", - dep túsindirdi Erlan Qarin.
Bul sharalardy zańnamalyq resimdeý erekshe qajettilikteri bar balalar úshin sapaly inkliýzivti bilim alý múmkindikterin keńeitýge múmkindik beredi.
Zań jobasymen tórt zańǵa ózgerister men tolyqtyrýlar engiziledi: "bilim týraly", "Ereksheligi bar balalardy áleýmettik jáne meditsinalyq-pedagogikalyq túzeý arqyly qoldaý týraly", "Qazaqstanda múgedekterdi áleýmettik qorǵaý týraly" jáne "Qazaqstandaǵy balanyń quqyqtary týraly".
Aita keteiik, eki jyl buryn jańadan sailanǵan prezident Qasym-Jomart Toqaev Ulttyq qoǵamdyq senim keńesin qurý týraly Jarlyqqa qol qoidy.
Ulttyq qoǵamdyq senim keńesi ótkizgen bes otyrystyń qorytyndysy boiynsha elimizde 17 zań, prezidenttiń úsh Jarlyǵy, Prezidenttiń 18 qaýlysy jáne ministrlikterdiń 29 buiryǵy qabyldandy.
Mitingterdiń habarlamalyq sipaty, partiialar qurý úshin tirkeý kedergisin tómendetý, sheteldikterge jer satýǵa tyiym salý – bul Ulttyq keńestiń bastamalarynan keiin qabyldanǵan eń bedeldi sheshimderdiń biri.
Ulttyq Keńes hatshysy Erlan Qarinniń aitýynsha, Ulttyq keńes elimizde órkenietti azamattyq jáne saiasi mádeniettiń damýyna yqpal etedi.
Ulttyq keńes – bul pikirtalas úshin qurylǵan tok-shoý emes. Biz úshin tikelei pikirtalastar, eń bastysy, naqty sheshimder mańyzdy. Ulttyq keńes qoǵamdaǵy jańǵyrtý kún tártibin qoldaidy, barlyq ýaqytta bul kún tártibiniń saqtalýyn qamtamasyz etedi, dedi Qarin.
Esterińizge sala keteiik, Qazaqstan prezidenti Qasym-Jomart Toqaev ulttyq qoǵamdyq senim keńesiniń V otyrysynda kótergen másele sheshimin tapty. Maýsymnyń sońynda memleket basshysy "Qazaqstan Respýblikasynyń keibir zańnamalyq aktilerine inkliýzivti bilim berý máseleleri boiynsha ózgerister men tolyqtyrýlar engizý týraly" Zańǵa qol qoidy. Memleket basshysy ulttyq qoǵamdyq senim keńesiniń V otyrysynda Qasym-Jomart Toqaev elimizde erekshe bilim berý qajettilikteri bar balalardyń sany ósip kele jatqanyn, biraq mundai mamandandyrylǵan uiymdardyń jumys isteýi boiynsha qoldanystaǵy normalar eskirgenin atap ótti.
