Memleket basshysy Ulttyq qaýipsizdik komitetiniń tóraǵasy Ermek Saǵymbaevty qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa vedomstvonyń biylǵy birinshi toqsanda atqarǵan jumystarynyń negizgi nátijeleri men aldaǵy kezeńdegi mindetteri týraly málimet berildi.
Ermek Saǵymbaev Prezidentke qylmystyq isterdi, onyń ishinde Ulttyq qaýipsizdik komitetiniń burynǵy basshylyǵyna qatysty isterdi tergep-tekserý barysy jóninde baiandady.
Ulttyq qaýipsizdik komiteti qabyldaǵan sharalardyń nátijesinde 1769 qarý, 273 granata jáne 49 303 oq-dári, sonyń ishinde qańtar oqiǵasy kezinde urlanǵan qarý-jaraqtar zańsyz qoldanystan alyndy.
Esirtki biznesine qarsy kúres aiasynda 6 esirtki zerthanasynyń jumysy toqtatylyp, 10 halyqaralyq jáne 11 óńirlik esirtki kanaly joiyldy. 404,5 kg kóleminde esirtkiniń birneshe túri men 2 tonnadan astam prekýrsor tárkilendi.
Memlekettik shekarany qorǵaý salasynda tártip buzǵan 2225 adam ustaldy.
500 million teńgeden astam somadaǵy valiýtanyń, quny 1,3 milliard teńge bolatyn halyq tutynatyn taýarlardyń jáne jalpy somasy 25 million teńge bolatyn janar-jaǵarmaidyń zańsyz ainalymyna tosqaýyl qoiyldy.
Aýmaqtyq sý júielerine qatysty 57 zań buzýshynyń áreketi toqtatyldy, 98,7 shaqyrym brakonerlik zattar tárkilendi. 500 million teńgeden astam yqtimal shyǵynnyń joly kesildi.
Kezdesý qorytyndysy boiynsha Qasym-Jomart Toqaev UQK organdarynyń jumysyn jaqsartýǵa baǵyttalǵan birqatar tapsyrma berdi.
