Memleket basshysyna biylǵy aqpan aiyndaǵy aqsha-kredit saiasatyn iske asyrýdyń aldyn ala qorytyndysy, dúniejúzilik ekonomikanyń qalpyna kelý perspektivalary men álemdegi azyq-túlik baǵasynyń infliatsiiaǵa áseri týraly baiandaldy, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa altyn-valiýta rezervteriniń jaǵdaiy men Ulttyq qordyń aktivterin basqarý jaiynda esep berildi, sondai-aq, Ulttyq Banktiń ishki jalpy ónim boiynsha jańartylǵan boljamdary men 2021 jylǵa arnalǵan tólem balansy jóninde aityldy.
Erbolat Dosaev Memleket basshysynyń Qazaqstan azamattarynyń zeinetaqy jinaqtaryn merziminen buryn paidalaný tetigin iske asyrý jónindegi tapsyrmasynyń oryndalý barysyn baiandap, Ulttyq Banktiń investitsiialyq ahýaldy jaqsartý boiynsha usynystary týraly aitty.
Prezident azyq-túlik taýarlary baǵasynyń turaqtylyǵyn qamtamasyz etý úshin aýyl sharýashylyǵyn qoldaý sharalaryn tsifrlandyrý protsesin jyldamdatýǵa atsalysýdy tapsyrdy.
