foto: Aqorda
Memleket basshysyna Ulttyq banktiń byltyr júzege asyrǵan aqsha-kredit saiasatynyń qorytyndysy týraly esebi men 2025 jylǵa arnalǵan monetarlyq retteý jospary baiandaldy, dep habarlaidy Ult.kz.
Prezidentke Qazaqstan ekonomikasy men qarjy júiesiniń ahýaly, iskerlik belsendilik, infliatsiia faktorlary, sondai-aq baǵany turaqtandyrý jáne infliatsiia deńgeiin ortamerzimdi maqsatqa sáikes 5 paiyzǵa jetkizý úshin qabyldanyp jatqan sharalar jóninde málimet berildi.
Qasym-Jomart Toqaevqa 2024 jyldyń qorytyndysy boiynsha infliatsiia Ulttyq banktiń boljaǵan sheginde qalyptasqany, iaǵni 8,6% paiyzdy quraǵany aityldy. Timýr Súleimenovtiń aitýynsha, syrtqy infliatsiialyq qysym kúsheiip, ishki infliatsiialyq táýekelder áli de saqtalyp otyr.
Sonymen qatar Memleket basshysy Ulttyq qordyń aktivteri, altyn-valiýta rezervteri jáne Biryńǵai jinaqtaýshy zeinetaqy qorynyń jai-kúii jóninde aqparatty tyńdady. Atap aitqanda, 2024 jyly Ulttyq qor aktivterin basqarýdan túsken tabys 7,5 paiyzǵa artyp, 4,5 milliard dollardy quraǵan. Al Ulttyq banktiń altyn-valiýta rezervteri 45,8 milliard dollarǵa jetip, 27,4 paiyzǵa ulǵaiǵan. BJZQ-nyń zeinetaqy aktivterin basqarýdan túsken investitsiialyq tabys 3,4 trillion teńgeni qurady. Al kiris kórsetkishi infliatsiiadan eki ese asyp túsip, 17,8 paiyzǵa jetti.
Prezidentke valiýta naryǵyndaǵy jaǵdai tanystyrylyp, teńgeniń turaqtylyǵyn qamtamasyz etý úshin júzege asyrylyp jatqan sharalar týraly baiandaldy.
Budan bólek, Timýr Súleimenov bank sektoryndaǵy jaǵdaidyń turaqtylyǵy, depozitter bazasynyń qalypty ósiminiń jalǵasýy, sondai-aq qarjy turaqtylyǵyn qamtamasyz etý sharalary men makroprýdentsiialyq saiasattyń tiimdiligin arttyrý jospary jóninde aitty.
Ulttyq bank tóraǵasy Prezidentke Ulttyq tsifrlyq qarjy infraqurylymyn damytý nátijeleri men Antifrod-ortalyǵynyń qyzmetin tanystyrdy.
Kezdesý sońynda Memleket basshysy infliatsiiany tejep, qarjy sektorynyń turaqtylyǵyn qamtamasyz etý mańyzdy ekenine nazar aýdardy. Bul rette Qasym-Jomart Toqaev Ulttyq bank pen Úkimet makroekonomikalyq saiasatty úilesimdi júrgizýi qajet ekenin atap ótip, Ulttyq bank qyzmetine qatysty birqatar naqty tapsyrma berdi.
