Prezident Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaidy Aqorda.
Memleket basshysyna biylǵy qańtar aiyndaǵy aqsha-kredit saiasatyn iske asyrýdyń aldyn ala qorytyndysy, Ulttyq qordyń altyn-valiýta rezervteri men aktivteriniń jai-kúii týraly baiandaldy. Qasym-Jomart Toqaevqa álemdik ekonomikanyń qalpyna qaita kelý úrdisteri, 2020 jylǵy tólem balansyn aldyn ala baǵalaý, infliatsiia men valiýta aiyrbastaý baǵamynyń qazirgi jaǵdaiy jaiynda aqparat berildi.
Sondai-aq Erbolat Dosaev Memleket basshysynyń Qazaqstan azamattarynyń zeinetaqy jinaqtaryn merziminen buryn paidalaný jónindegi tapsyrmasynyń oryndalý barysy týraly aitty. Prezident kezdesý qorytyndysy boiynsha Ulttyq bank basshysyna birqatar tapsyrma berdi.
