Prezident Qasym-Jomart Toqaev UQK-ny reformalaý týraly Jarlyqqa qol qoidy, - dep habarlaidy "Ult aqparat" UQK baspasóz qyzmetine silteme jasap.
"17 mamyrda Qazaqstan Respýblikasynyń Prezidenti «Qazaqstan Respýblikasy Ulttyq qaýipsizdik komitetiniń keibir máseleleri týraly» № 893 Jarlyqqa qol qoidy.
Osy Jarlyqpen ulttyq qaýipsizdik organdarynyń qyzmetin jetildirýdi kózdeitin Qazaqstan Respýblikasy Prezidentiniń 15 jarlyǵyna túzetýler engizildi. UQK-niń jańartylǵan qurylymy bekitildi. UQK-niń jekelegen memlekettik mekemeleri qaita uiymdastyrylyp, ońtailandyryldy", - delingen habarlamada.
