Memleket basshysy birqatar kezdesý ótkizdi, dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev Premer-Ministrdiń orynbasary Berdibek Saparbaevtyń esebin tyńdady. Onda Úkimettiń elimizdegi áleýmettik qamsyzdandyrýǵa muqtaj turǵyndardyń jaǵdaiyna qatysty atqaryp jatqan jumysy týraly aityldy. 2020 jyldan bastap ataýly áleýmettik kómek, eń aldymen, az qamtylǵan otbasylardyń balalaryna beriledi.
Memleket basshysy oblystardaǵy azamattardyń aryz-shaǵymdaryn ádil ári tiimdi qarastyrýǵa erekshe kóńil bólýdi tapsyrdy. Osyǵan bailanysty barlyq deńgeidegi ákimderdiń jaýapkershiligi aitarlyqtai artatyn bolady.
Kezdesý barysynda mindetti meditsinalyq saqtandyrý júiesin sapaly júzege asyrý máselesi de qarastyryldy. Úkimetke naqty tapsyrmalar berildi.
Sonymen qatar búgin Qasym-Jomart Toqaevqa Esep komitetiniń tóraǵasy Natalia Godýnova Qorǵanys ministrligine, «Qazaqstan injiniring» Ulttyq kompaniiasy» aktsionerlik qoǵamyna jáne «Qazarnaýlyeksport» respýblikalyq memlekettik kásipornyna júrgizilgen memlekettik aýdittiń qorytyndysy týraly baiandady. Esep komitetiniń tóraǵasy «Qazaqstan injiniring» kompaniiasynyń qarjylyq-sharýashylyq jumysyndaǵy retsiz shyǵyndar, qaryz júktemeleriniń artýy, holdingtegi óndiris júiesiniń ábden eskirgeni jóninde málimet berdi.
Memleket basshysy aýdit qorytyndysy boiynsha jinaqtalǵan materialdardy ókiletti organdarǵa joldaýdy, laýazymdy tulǵalardyń jaýapkershiligin qarastyrýdy tapsyrdy.
