مەملەكەت باسشىسى بٸرقاتار كەزدەسۋ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت قاسىم-جومارت توقاەۆ پرەمەر-مينيستردٸڭ ورىنباسارى بەردٸبەك ساپارباەۆتىڭ ەسەبٸن تىڭدادى. وندا ٷكٸمەتتٸڭ ەلٸمٸزدەگٸ ەلەۋمەتتٸك قامسىزداندىرۋعا مۇقتاج تۇرعىنداردىڭ جاعدايىنا قاتىستى اتقارىپ جاتقان جۇمىسى تۋرالى ايتىلدى. 2020 جىلدان باستاپ اتاۋلى ەلەۋمەتتٸك كٶمەك, ەڭ الدىمەن, از قامتىلعان وتباسىلاردىڭ بالالارىنا بەرٸلەدٸ.
مەملەكەت باسشىسى وبلىستارداعى ازاماتتاردىڭ ارىز-شاعىمدارىن ەدٸل ەرٸ تيٸمدٸ قاراستىرۋعا ەرەكشە كٶڭٸل بٶلۋدٸ تاپسىردى. وسىعان بايلانىستى بارلىق دەڭگەيدەگٸ ەكٸمدەردٸڭ جاۋاپكەرشٸلٸگٸ ايتارلىقتاي ارتاتىن بولادى.
كەزدەسۋ بارىسىندا مٸندەتتٸ مەديتسينالىق ساقتاندىرۋ جٷيەسٸن ساپالى جٷزەگە اسىرۋ مەسەلەسٸ دە قاراستىرىلدى. ٷكٸمەتكە ناقتى تاپسىرمالار بەرٸلدٸ.
سونىمەن قاتار بٷگٸن قاسىم-جومارت توقاەۆقا ەسەپ كوميتەتٸنٸڭ تٶراعاسى ناتاليا گودۋنوۆا قورعانىس مينيسترلٸگٸنە, «قازاقستان ينجينيرينگ» ۇلتتىق كومپانيياسى» اكتسيونەرلٸك قوعامىنا جەنە «قازارناۋلىەكسپورت» رەسپۋبليكالىق مەملەكەتتٸك كەسٸپورنىنا جٷرگٸزٸلگەن مەملەكەتتٸك اۋديتتٸڭ قورىتىندىسى تۋرالى باياندادى. ەسەپ كوميتەتٸنٸڭ تٶراعاسى «قازاقستان ينجينيرينگ» كومپانيياسىنىڭ قارجىلىق-شارۋاشىلىق جۇمىسىنداعى رەتسٸز شىعىندار, قارىز جٷكتەمەلەرٸنٸڭ ارتۋى, حولدينگتەگٸ ٶندٸرٸس جٷيەسٸنٸڭ ەبدەن ەسكٸرگەنٸ جٶنٸندە مەلٸمەت بەردٸ.
مەملەكەت باسشىسى اۋديت قورىتىندىسى بويىنشا جيناقتالعان ماتەريالداردى ٶكٸلەتتٸ ورگاندارعا جولداۋدى, لاۋازىمدى تۇلعالاردىڭ جاۋاپكەرشٸلٸگٸن قاراستىرۋدى تاپسىردى.
