Prezident Qasym-Jomart Toqaev Premer-Ministr Asqar Mamindi qabyldady, dep habarlaidy Aqorda.
Memleket basshysy Premer-Ministrdiń elimizdegi epidemiologiialyq ahýaldy turaqtandyrý jáne áleýmettik-ekonomikalyq damý týraly esebin tyńdady.
«Elimizdegi koronavirýs juqtyrǵandardyń sany 2,1 paiyzǵa tómendegenin, aýrýhanalardaǵy indetke shaldyqqan azamattarǵa arnalǵan jalpy tósek-orynnyń 30,4 myńnan 49,7 myńǵa deiin kóbeigenin, reanimatsiiadaǵy oryndar 12 paiyzǵa, stantsionardaǵy tósek-oryndar 25 paiyzǵa azaiǵanyn aitty. Sondai-aq COVID-19 indetinen jazylyp shyqqandar 63 paiyzǵa artyp, jedel-járdem shaqyrtýshylar sany 31 paiyzǵa tómendegen», - dedi Asqar Mamin.
Úkimet basshysy Qazaqstan Prezidentine barlyq óńirlerdegi turaqtandyrý qory qajetti dári-dármekter men meditsinalyq qural-jabdyqtarmen tolyqtyrylyp, aýrýhanalardy ókpeni jasandy jeldetý jáne ottegi kontsentratorlarymen qamtamasyz etý jumystary júrip jatqanyn jetkizdi.
Asqar Mamin Qasym-Jomart Toqaevqa shekteý sharalary kezinde kásipkerlik sýbektilerin qoldaý, jumyspen qamytý jáne elimizdiń áleýmettik-ekonomikalyq damýyna qatysty ózekti máseleler jóninde aitty.
Memleket basshysy Premer-Ministrge aimaqtardy, ásirese, aýyldardy qajetti dári-dármektermen jáne meditsinalyq qural-jabdyqtarmen qamtamasyz etýdi tapsyrdy.
Prezidenttiń aitýynsha, pandemiia kezinde jáne odan keiingi ýaqytta Úkimettiń aldynda ekonomikanyń josparly damýyn qamtamasyz etip, azamattardyń áleýmettik qajettilikterin qanaǵattandyrý mindeti tur. Qazirgi ýaqytta jańa ekonomikalyq baǵytty ázirleý jumystary júrip jatyr. Ol Memleket basshysynyń aldaǵy Joldaýynyń negizgi bóligin quraityn bolady.
