Memleket basshysy Qasym-Jomart Toqaev EAEO elderiniń ekologiialyq máselelerin birlesip sheshýdi usyndy, dep habarlaidy QazAqparat.
«Biz «jasyl» investitsiialardy arttyrý men tiisti jobalardy iske asyrý múmkindikterin júieli túrde keńeitýdi josparlap otyrmyz. Ekologiialyq problemalar jahandyq sipatta bolady jáne álemniń barlyq derlik eline, sonyń ishinde Qazaqstanǵa da áser etti. Máselen, ótken jyly jaýyn-shashyn men ózenderdegi sýdyń az bolýynan kóptegen fermerler qurǵaqshylyqtan zardap shekti. Transshekaralyq Jaiyq ózeni qazir qiyn jaǵdaida», - dedi Qazaqstan Prezidenti Peterbýrgtegi XXV halyqaralyq ekonomikalyq forýmda.
Toqaev memleketterdiń ornyqty damýyna tóngen osyndai uzaqmerzimdi syn-qaterlerdi birlesip sheshý keregin aitty.
«Tuiyq tsikl ekonomikasy» - tsirkýliarlyq ekonomika qaǵidattaryn engizý keleshegin qaraýymyz kerek dep oilaimyn. Biz JIÓ-niń energiia syiymdylyǵyn azaitý, jańartylatyn energetika sektoryn keńeitý jáne osy saladaǵy tranzittik shyǵyndardy azaitý boiynsha jumys istep jatyrmyz», - dedi Memleket basshysy.
Aita keteiik, Qasym-Jomart Toqaev Peterbýrgtegi halyqaralyq ekonomikalyq forýmǵa qatysyp jatyr. Sessiiada Qazaqstan Prezidenti Qasym-Jomart Toqaev, sondai-aq beinekonferentsiia bailanysy arqyly Egipet Prezidenti Abdýl-Fattah As-Sisi sóz sóileidi. Forým qatysýshylaryna Qytai Halyq Respýblikasynyń Tóraǵasy Si Tszinpin beineúndeý joldaidy. Spikerler sóz sóilep bolǵan soń suraq-jaýap formatynda ashyq pikirtalas ótedi.
