Foto: ashyq derekkóz
Qasym-Jomart Toqaev Birikken Ulttar Uiymy Bas Assambleiasynyń minberinen 22 sáýirdi Halyqaralyq jer sharyn kógaldandyrý kúni dep jariialaýdy usyndy, dep habarlaidy Ult.kz.
Prezident jahandyq klimattyń ózgerýine nazar aýdaryp, ótken jyldyń adamzat tarihyndaǵy eń ystyq maýsym bolǵanyn atap ótti. Onyń aitýynsha, Ortalyq Aziiada temperatýra álemdik ortasha kórsetkishten eki ese joǵarylaǵan.
🔹 Alataý muzdyqtarynyń erýi – milliondaǵan adamnyń sý jáne azyq-túlik qaýipsizdigine tikelei qaýip tóndiredi.
🔹 Aral teńizin saqtaý tájiribesi – halyqaralyq yntymaqtastyq nátijesinde soltústik bóligi qalpyna keltirilgenin aitty.
🔹 Kaspii teńiziniń tartylýy – aimaqtyq emes, jahandyq másele retinde qaralýy tiis dep málimdedi.
Toqaev sý tapshylyǵyn boldyrmaý úshin investitsiia men turaqty sheshimderdi talap etip, kelesi jyly Astanada Óńirlik ekologiialyq sammit ótetinin jariialady.
Sonymen qatar, Memleket basshysy el ishinde júzege asyp jatqan «Taza Qazaqstan» jalpyulttyq aktsiiasyna toqtaldy. Bul bastama milliondaǵan eriktini tabiǵatty qorǵaýǵa, qoqys jinaýǵa jáne ekologiialyq aǵartýshylyqqa jumyldyrady.
Qazaqstannyń bastamasymen BUU 2026 jyldy Halyqaralyq eriktiler jyly dep jariialaǵanyn eske salǵan Prezident, barlyq memleketterdi yntymaqtastyqqa shaqyrdy.
«Jerdi qorǵaý – barsha adamzattyń ortaq boryshy. Sondyqtan Bas Assambleia 22 sáýirdi Halyqaralyq jer sharyn kógaldandyrý kúni retinde belgileýi tiis», – dedi Qasym-Jomart Toqaev.
